Pupa Holhthuk
--------------------
Holhthuk timi cu hlan ah khuavang holh an rak ti. Mithi le minung hna cu khuavang langh in an i chawnh tikah an rak hmanmi a si ruangah a si men lai. Nihin ah cun tam deuh cu hlacuang lawngah kan hman cang hna. "ka nu" ti cu "sunghno" ti a si i, "nika" ti cu "cerlian" tiah holhthuk ah a um nain "Maw ka sunghno," tiah kan nule cu kan au ti hna lo i, "Cerlian a tlang," tiah kan chim ti lo. "Ni a tlang," kan ti ko. Asinain chimkem in kan hman lengmang hna.

Tc.
1. Sunghno ka nu na dawtnak…
2. Cerlian ee nunu liam tim ai cang…tbk.
Cu bantuk cun hlaphuah le catial tikah holh rum le holhthuk aa tel ahcun thuam dawh le thuam òha bantuk an si caah hlacuang ah kan hman tawnmi bia an si.
A bon :A dam, mah ning, amah kel
A bung : A dihlak kawmh
A carin : Thlapa detka te
A cing : Fa ngei kho lo
A de : Thlopa a loh, a mawt i a langh than hmasa bik
A dir : Caw, naa, sia
A en (een) : A par lingte
A hlum : A chungah a um, a zapi in hmunkhat ah an i tom
A huai : A puarhrang, a chiakha, huham thalo a ngeimi (Khuachia)
A khat : Ngal amah lawng in a um mi a pa, a caancaan te ah a cangmi
A kheng : A thang kho lomi, vawlei a vuat lomi
A mar : Satil a khuk tang, khulvai
A mar : A thiang, a mil a tlor
A rial : Fa a ngei rih lomi vok nu
A roh : A thih taak
A thalkhang: Thlapa a cheu bak a langh lio
A zarh : Tawngh chia, chim chia
A zik : A lu bik, a cung bik
A zuan : Aa tlak, aa rem
A cal : Sakhi a kawng, a pa
A chuan : Vafa
A deu : A tak a si lomi
Ah : Fanu va a ngeih lio i thahpiak
A hli : Ar pa, varit pa
A hran : Sum ah a voi khatnak suk mi, a hrawpi, tlam a tling rih lomi, a dang tein
Aidi : Duh nun chin lengmang nak
A kawng : Ki a ngeimi ramsa a pa
A khong : Tilidit lomi vok a pa, arhli cang
A la : Fa a hring rih lomi saòil (Vok telh lo)
An (aan) : Bia, holh, aw
An dawh : Bia dawh
An lau : Hmunka panh
An nem : Bia nem
An rem : Bia rem
An thlum : Bia thlum
Anka : Bia, holh, hmurka
Ankheng : Lungthin khah, bia khenkham, bia tankanh
Anthlam : Muithlawm, aw aan
A t'hiah : Sum ah voihnih sukmi, tuah t'han mi, tlam a tling mi
Ar nak hmanh : Nupi caah fehternak an nak in thlacamnak tuah
Ar-ah : Nu le va sinak caah biahren nak, ar thah, hamnak tuah
Ardimei : Mi nupi a sualpi mi pa an thih tik ah an tonhmi hna ar khong mei
Arsa : Nupi tling sinak caah thahmi vok/ar
Arte kai : Mui chupchap
A vamlu :Thlapa a det hnu zan hlei hnihnak
A vomlei : Thlapa a det hnu zan hleilinak
Awlh : Tlangrian t'uanter lo
‪#‎CACC‬
PHOTO: Pu Kio Mang(kha hlan Ram-uk Bawi)