Pu No Than Kap Hi Ziang Ruangah Kan Rinsan Theilo?Hruaitu a thupi maw?
Anih hi Chinmi lakah politics lam ih kan ransanmi mi ralṭha le miphun țan zettu a si ih, cuihleiah thangtharpawl politics lamih in thangharhtu (inspired) tu a si kan tilo thei lo.
Cucingin ziangah kan rinsan theilo?
1. A nuncan ziaza a mawilo ruangah.
Anih cu zohman hmai khalih kun tum lo tu pa ralṭha a si vekin, midang țihzah upatnak a nei lo. Lal (hruaitu si loin uktu) si lawng a duh.
2. Awlsam takih a țong ťheu ruangah.
Anih hi amai tuah theilo dingmi khal tuahsak dingin thu tiamkam a hmang.
Surbung Airport tawlreltu vekin an rel ih ting 50 thawh ding khalin a rak tiamkam. Sinan tuah an theh deuhthaw nan zianghman a pe lo ti a si. Cuvekin S-CAM a țuanlai khalah mi tampi, khawtam hnenah tuahsak ding a timi tamsawn cu tuahsak loin a liam men. Zinghnam kua tiang electric van sak dingin a term a cem men.
3. Tu-ah falam peng ihsin candidate ih a tel veten Surbung Airport kiangah Suntha le Zathlir khaw upapawlih ram an pek mi ah Hotel le amai umnak ding innsak ding vekin a rel aw. Sak dingih a dilnak cu kum khat le hrek a reizo nan sak siannak a ngah hrih lo thu comments nak ah a rel. Hi khal hi Vote ngahduh ruang menih Chinram ngai duahdo vekih rel aw in vote hawlnak men ah a hmang.
4. Falam peng pawlih kan duhlonak san le rinsan ngamlonak khal, anih hi Tlawngta CNA/F hotu a rak siih, amah cu kawlram cozah ah a pe aw (alinvuan) ih a nau le pawl cu mi vakvai ah an cang thluh. Cui a nau le pawl cun kan neih thilpawl in lawng, in hrem, fala khal an duhlo cingin nawmnak ah an hmang, in hro zawk rero. An dung hnuah ralkap an ra ih, tlawngtapawl nan rak bawm tin vuakvelh kan tawng lala. Curuangah ramhrangih rak zuamtu, zianghman țhansonak in thlenpi lotu le harsaknak hmunih in tantatu cu ziangtik hmanah kan rinsan thei nawn lo rori a si.
5. Pu No Than Kap hi a tling a si hmanah a damsungah cun CM dinhmun cu a thlengban dahlo ding. Ziangahtile amai pengtlang mipi hmanih rinsantlak lo mi cu Chin State CM dingah cun pengtlang dang cun an pawm thei dahlo ding ti a fiang.
6. Miphun hrangih a tuah theimi cu, țongkam ih ram duhdawt le ruahnak țha neih lawng hi a si. (Jeim 2:17 Tuahnak a tel lo ahcun zumnak cu a thi a si). Tuini tiangah Chinram ka duhdawt, ka nun pumhlum chinram hrangah ka zum titu Pu No Than Kap ih thiltha tuahmi keneh mawi hmuh ding a um hrihlo ruangah, Tohkham ngah duh men a si ti kan theihfiang ruangah hruaitu țha a si tin kan pawm thei lo.
Ralkap sanlai vekih ukbetmi si na duh asile Pu No Than Kap rak vote aw. A but/kedam phelh a lo fial leh ding.
Gredit. Chelsia Bawi.
