kan khua ah.keimah katang hi.ralkap ah caansaupi aummi asi.pensen in aa din cang cunih cun.ralkap an tuanlio i kachin le karen sian.tapung pawl he an i kahnak cu a kachimh tawn.nifate chun he zan he.cat loin a thla te hna in kan i kap ati.tamtuk meisei kanmah lei in an thi ve i.tapung lei in tamtuk an thi ve asi.ziah cuti rumro cun nan i kah e tiah kahal i.kan bawite nih oder anchuah i ralram ah nan kal lai an kan ti zungzal ko ati.khuazei ral dah kan kah hna lai tiah.kan ti tawn i kachin karen sian ral ti lawngte asiko ati.
Culio cu.ralkap uk chan asi caah.amin hmanh ah.ralkap cupei an si fom cu.an ral asimi cu an kah hna awk zong a vesi sawk hnga nain.zeiruangahdah mah tluk taitai in.tlangcung minung an kan rem hnga lo timi ruah tikah.khuaruahhar lei khi asi.Malaysia sining tlawmpal in kachim hmanh lai.Malaysia hi.kanmah kawlram bantukin.miphun 13 an um ve.independen an hmuh in nihin tiah ahhin.anmah le anmah an i kap timi kan theibal lo.Malaysia ah.kumpi kum hra ka um cang.ka um chung zongah.an i kah ka theibal lo.zaruangte in an um i an siangpahrang pakhat nih a hruaiko hna i nang e kei e tiin an i tu an i kap ballo.
Zeiruangahdah uktu siangpahrang sual kaphawt hna le santlaihlo kaphawt hna tiah cun.ram pakhat chungah aummi cu.satil arva in tizu ngacel in thingkung ramtlap tiang in, minung tiang an kutchungah aum dihmi asi.ahohmanh nih uktu hruaitu rian an tuan tikah.an hruaimi le an ukmi hna kha.a thatkhawhchungin an hruaitawn hna i pakhat le pakhat taza an i cuai ah maw silo le.an i tukvelh tikah maw asi khawhchungin remh le remter an si tawn hna.sinain nihin kawlram a kan uktu le hruaitu pawl nunning le lungthin kanzoh tikah.cubantukin rian atuanmi pakhat hmanh kan hmukho rih hna lo.Pi Aung San Suu Kyi nih kanram uk sehlaw zeitlukindah a thathnga kan ti cio. cu taktak ah.2016 in uktu bawiah ahungsi taktak.sinain atutiangah an riantuanning kanzoh tikah,zeipipa hmanh rampi .an deihter kho rih lo.kachin an tuk. an den hna.ramchung lila ah zalzam ceilak an chuak.
Nizan tihni ah.Sian ram Muse ah.faklekin an i kap kawlram ralkap leiin tampi an thi tiah BBC nih a chim hoi.cuka ram hrawng le aa naihnak khua vialte an inn anchuahtakdih ti asi.Tuluk ram ah an zam dih ti asi.heiruatko hmanh u law zeitluk ngaihchiahdah asi.zeidah an i cuh bikmi le zeidah an i kah hnawhchanbik a si hnga.a ngaingai ahcun tlangcungmi ralkap hna cu.kawlram ralkap nih an kah hna lo ahcun.daitein aum pengmi an si hna.zeiruangahdah ramchung tapung anchuah tiah cun.kanram uknak athatlo ruangah asiko i.kawlram ralkap kan kah hna lai i.kan tuk hna lai i.kawlrampi hi a ningpiin kanmah nih kan uk lai timi asilo.kanmah le miphun chungin i uk usilaw cuticun zalennak kan hmu deuh lai kan i nuam deuh lai timi fangfang khi an saduhthah cu asi ko.hramhram in.kawlrampi ukdingah an i timhmi le an i ruahmi asilo.
Zeitiktiangdah hitihin kawlram ah itukdennak le ikahnak aum rih lai.vawlei caandonghtiang zong aum kho men zeicahtiah kan pipu chan in nihin kanmah chan tiang adong tilo tikah.zeitikahdah adonghte lai.vawleicung khuaika ram paoh ramchung idukdennak aumnak paohte cu.anram si afak minung an um ngamlo an zam antli an pem dih tikah.ram ngaktah ah an i chuah dih hna.1948 tiangah kawlram cu vawleicung ram minthang pakhat a rak si.ram innpa tampi nih sianginn an kainak le.kuli an leknak ram pakhat a rak si.Malaysia Tek mongpa pakhat nih keizong Myanmar ah.caansaupi ka rak um bal ve ati.Aung San kha afimtuk ati.atucu nan ram achia rukcang zeihmanh um hnawh awk a tlaktilo ati.
