PAFA RUAL KONG

A hlan ah pafa rual an rak um. An pa cu a tar cang i a thih dengmang cang caah a fale rual cu a hmai ah a uah hna i, “Funghreu pakhat cio in rak pu tuah u,” tiah a ti hna. An pa bia bantukte in funghreu pakhat cio in an rak put i a tom hnu ah “Ka fale hna, hi funghreu tom hi khiak tuah u,” a ti hna. A fale nih thingtom cu pakhat hnu pakhat an khiah len nain an khiak kho lo.
An pa nih cun, “Mah funghreu tom hi phoih u law pakhat thluan khat cio in khiak tuah u,” a ti hna. A fale nih cun fawitein in an khiah cio dih. An i tha lo.
An pa nih cun, “Ka fahniangle hna zoh tuah u, nan hmu ko lo mei. Nannih zong thingtom bantuk in nan i tom i nan i komh ahcun ahohmanh nih an in khiak kho n alai lo. An in zomhtaih hna lai lo. Asinain funghreu tom phoihmi bantuk in nan i phoih i nan lung aa nget lo ahcun mi dang nih fawite in an in khiah khawh hna lai. An in zomhtaih dih hna lai. Cucaah pakhat le pakhat lungnge thinngete in nan um lai i pakhat le pakhat nan i upat zungzal lai,” a ti hna.