Minung sining ah hodah mithih ah lung aa lawm kho bal cun hipa hi thi seh tiah saduhthah ngeih zong hi minung phung asi fawn lo sinain atu ralhrang hruaitu Min Aung Hlaing hi cu Myanmar mipi nih thi sehlaw tiah saduhthah ciomi asi.
Rampi uknak a fir lengah sualnak ngeilo mipi 888 a thah cang hna cu lawng si lo in a cheu cu thihdan an pek mi hna an um i a cheu cu kum 20 tiang thongthlak dingin bia an khiahpiakmi hna an um,a sualning hi a fah tuk caah rampi mipi nih thi seh tiah saduh kan thah cio nak asi.
Tuzing fb ka kau i Myanmar mipi nih a thi cang tiah an tarmi hmanthlak ka hmuh a sullam cu thi seh ti duhnak saduhthah asi,minung hi mizeibantuk kan si hmanh ah thil țhalo kan tuah ahcun kan tuahning tein kutdong sawh colh kan si pinah kan nunnak a dih tiang saduhthah piak kan si ko.
Minung kan thih cu kan dihnak a si cang i vawlei ah zeitik hmanh ah hmuh khawh kan si tilo ni a si a fak bik mi ngaihchiatnak ni a si nain ralhrang hruaitu Min Aung Hlaing hi cu thi sehlaw rampumpi in lunglawmhnak puai tuah ding asi hnga.
No comments:
Post a Comment