Thit umh ka hrawng Fa Nu Cakuat.

Na Dawt Fa Nu
Ka Nu na dam maw?
Dawtmi he rak i thit umh lai hi ka hngakchia lio in ka rak ruah ah ka lung a rak tor ter ngai ngai ve ko i aa Thi Um mi ka hmuh hna ah, ka rak hngar tawn hna. Ka Dawtmi valpa he nuam ngaiin len tiding tianglawng ka rak tuak, i hmai leiah zeidah canglai ti hi ka rak ruat bal lo. A sinain a tu cun chungkhar pakhat ser ti hi pangpar phah mi lam a rak si lo hi, ka thit umh dih hnu in ka fiang.

Chungkhar ti mi hi Nungak tlanval lio bang kan caan nuam ngaiin hmangti peng dingin ka ruah i, hmailei zei a cang lai ti ka rak ruat lo. Cun a tu cun Chungkhar dawtnak ser siam le hripeh tu hi Nu an rak si hi ka fiang i, Zing thawh zong hawi thawh hlan in tuan deuh ah thawh hau i chungkhar caah rak timh lamh cia a rak hau.
Ka Nu ... na sin umnak hmnah hin, a tlingin ka nuam deuh lai ti hi ka rak ruah, sinain ruahnak bang a rak si lo. Leng chuah duh zongah duh poah in chuah le kal awk tha ti lo chungkhar nih an kan hlam cang. Chungkhar thazang petu le zohchun awkin hmai nornak caah rak tim lam tu si hau cang.

Siangpahrang fanu bang ka um kho ti lo. Sinain Ka Nu ...chungkhar herhbaunak le ka tlam tlinh khawhmi cu ka si khawh tawk ka rian lim kaa zuam peng ko.. A caan cun ka ruat tawn..... Zeiruang dah ka rak thit umh(pasal ka ngeih) ti hi ka ruat tawn zeicatiah Ka Nu nangmah he ka rak um kha ka rak nuamh khun ruangah a si. A caancaan cun khirh khawh sise law zeithei lo si lio caan , na tang nem ah khirh than ka duh tawn i , zeizong vialte philh in hna ngam te le dai tein ka thlim law ti hi ka duh... Ka Nu

Sinain ka lung hun pem than mi cu Ka Nu nang zong rak i thi um(ka pa he rak i um) hlah law vawlei ah ka rak chuahnak ruahchannak um hnga lo i nangmah sin in a sung lawimi daihnak dawtnak nuamhnak le lawmhnak timi zong hi.. ka rak tep kho hnga lo. Zeizong vialte cungah Ka Nu kaa lawm... Nang dawtnak kan cham kho lai lo... Nangmah tluk Hringtu Nu pakhat ka dir khawh lo hmanh ah na lamh ta mi ke neh zulh cu ka zuam ko lai.... Ka Nu Kan Dawttuk...