Minung hi voikhat te vawlei ah kan hungchuak i. Zeidang thil bantuk in ser awk a thami kan si ti lo. Mau le rua bantuk in atuai than kho zong kan si ti lo.Nikhat hnu nikhat upat le tar lei nih a kan naih cuahmah. Cu nih a kan chimhmi cu vawlei he nan i naih ziahmah timi asi. Voikhat achuak i athiding Minung kan nunnak hi zeitluk indah nuamhter awk asi timi chim ka duhmi asi.
Nun khuasau na duh ahcun nathinlung kha nuamhter peng law. chun. zan buaktlak in tam deuh in nii, cunihcun damnak nun khuasaunak an pek lai tiah an chim theu tawn. cubantuk thinlung nuamhter pengding ahcun lungfim cangmi khua tampi a tuaktan kho cangmi caahcun afawi lai lo nain.
Zeibantuk thil tawn le in ko zongah athatnak leikhel in ruah le thinlung nuamhter kha damnak le nun khuasaunak cu arak siko. thil pakhat khat ngaihchiatnak maw?lungrawhnak maw? lungretheihnak maw? kan cungah atlun tikah cubantuk vanchiatnak ton cangmi kha thinlung chungah riahter zungzal loin, in khawhnak thazaang lak kha damnak le nun khuasaunak ahcun a kan bawmtu thabik asi.
A ngaingai te tiah cun Minung damnak le zawtnak kan timi hi thinlung ruahnak lungzornak te hna in aa thawkmi arak si tawn. lungretheihnak tam deuh in kanruah paoh ahcun kan taksa nih acelh tawn lo i azaw loding le afak loding te hna hi kan thinlung in fak deuh kan khuaruahnak nih a kan zawtter tawn.
Cu caah fb ka hawi le hna, kan ngakchiat lio ah lungretheihnak le ngaihchiatnak lungrawhnak kan ton i kan in caan zongah kan thinlung a rak dam colh bantukin zeithil kan ton le kan in hmanh ah thinlung nuamhter zungzal izuam hna u sih. Lungthin nuamhter cu damnak nun khuasaunak a kan petu țhabik asi
