Soi Le Thangchiat a Thleidang Kholomi Nih Rak Rel Uh.

Pu Rual Uk nih. UPC le RC le. CCU baibal sianginn a soisel hna lio ah.biatak achim ko atimi an um.cucu thangchiat soisel pei asi cu tiah ka ti hna i.a hmaanmi achim ko.soisel asi lo a timi an um caah. Laimi zaran nih. Soi le thangchiat kan thleidan khawh rih lo hi ta timi fiang tein hmuh khawh asi.

Soi timi biafang cu. A sining lopi in chim kha asi. UPC cu vanram an kai lai lo tiah a chimmi kha. Soisel cu asi. Mi pakhat kha. A sining lopi in na timi hna na soi asi.

Thangchiat. CCU sianginn cu. Khuachia ati rih hna. Hihi thangchiat soiselnak bia cu asi. Mi pakhat bu pakhat kha mah duhin an kong caih phung asi lo. A rem hna lo caah asi ti cu fiang tein hngalh khawh asi. Doh kan timi biafang zong mah hi asi.

Mi pakhat kha a kong na caih a thang na chiat tikah. Zeibia te khi dah. Thangchiat le soisel asi timi cu.a sining lopi in na timi kha asi ko.nangmah cu zeidah na si.amah cu zeidah asi timi biafang na hmanmi kha na soisel cu asi ko. A chiatnak na chimmi kha. Laiholh in.thangchiat tiah kan ti.

Mivualpamh zong mah bantuk thiamthiam cun asi ve. Biachia biațhalo in na timi kha na vualpamh cu asi ko. An kalning aa khat nawn dih. Cucaah. Thawngțha chimnak ah maw hawile he biaruahnak ah maw an sining lopi in na chimmi kha na thangchiat hna le na soisel hna cu asi ko.

Mi pakhat bu pakhat hnorsuannak bia vialte kha. Laiholh in. Thangchiat le soisel an si dih.

Mițhalo Lungput.

Mițhalo Lungput.
.................................
Ka theithiam hram uh. Fb cahmai i cațial hi ka duh lem lo nain.

A hodah Mițhalo cazin ah chiahmi cu kan si. Minung tampi nih. Zuding sa ei. Mi he aa si vel pengmi. Buainak a chuahpi pengmi lawng khi miţhalo cazin ah kan chiah tawn hna. A taktak ah cun. Hi hna pawl hi. Mițhalo cazin ah. Chiahmi an si lo.

Mițhalo timi cu. Phun asi lo le. Chuahkehnak Cikawr in a rami asi. Mizeibantuk asi hmanh ah. Țhatnak tangdornak nemnak si aa zuam tuk ko lai nain a chuahkehnak in. Mițhalo chungin a chuakmi asi ahcun. Aa thup kho hrimhrim lai lo. A bia ah. Miti hniarnak. A chuak tawn lai i. a sum tuk ko bu khin. Mițhalo chungin a chuakmi a sinak loh lo nakah a lang peng lai.

Mițhalo cazin ah chiahmi hna cu.Dai tein an um thiam lo. Mi thangchiatnak soiselnak lawng an kawl. Mi ngaihchiat lai. Mi lungfah lai. Mi thinhun lai an ruat kho lo an thi ah. Mițhalo chungin a chuakmi an si an i hngalhnak caaah. hmelchunh asi. an zia an țhinh kho bal lo. Mi he i sik ta lo cun.an rawl eika a thaw kho lo. An lei a long.

Mi thangchiat cawngawih zeiah an rel lo a poi ah an chia lo.an duh paoh in. Bia an chim An thangchiat hna an soisel hna. Lih le hrawkhrol bia kha. Biangai bantukin chim an hmang. Mi kong caih ta loin.an mitkuh a thaw kho lo.an țhut sia a rem lo. Atu kan chanah. Mah bantuk hi an um peng ko rih. Mirum silo le. Biaknak lei in maw? Vawlei lei in maw? Upa hruaitu dirhmum ah a dirmi nih. Bia kan chim tikah. Zapi zaran nih. Tuaktan awk hngal loin.kan zumh sual tawnmi khi.kan zatlang nunphung le kan biaknak a kan hrawktu asi.

A ngaingai ti ahcun. Mițhalo nih. Khua le ram miphun biaknak tiang an hrawhtawn i. Khat le khat ral ah an ser tawn. Cucu an i lawmhpimi an nun zia asi. Pipu hna nih an chim tawn. Na thih zongah.ka thih lo paoh cun a zako timi lungput an ngei. Hrahsah khuangtawn in an nung. Biachim le an țhawng. An ta an ngeih asi lomi kha ka ta asi ti tiang khin. Ni le ha he biachim an hmang. An ziar le an zar. Mi thinlung ah an i tlum kho lo. cucaah.innpa chakthlang nih.an rem hna lo i.an țhialtak tawn hna an ti.

Mițhalo cu. An i porhhlaw an ruam a kai. Mi zeiah an rel lo. Ka țha tiah an i hmu peng. Mi bia an i hrawm kho lo. Bia al an duh. An tin a sau lo. An lung a puam. Keimah bia in bia kiah lo timi lungput an ngei. An cal a cang. Lenglei zoh ah cun.mițha bantuk khin um an thiam. An chung taktak cun. Sivai țhalo a ngeimi. Rul bantukin țih an nung.

Hihi ka țialmi hi. A tlangpiin minung kan sining asi.Mițha cu. si law. an dawt lai. Mițhalo cu. si law an huat lai.

A Țhang chomi Lawng Kan Herh Cang.

Thlaraumi taktak le a țhang chomi hruaitu lawng kan herh cang.zeicatiah cun Society timi kan pawng kam thil sining aa thlen a rang tuk cang.


     Keimah hmuh tonning le ruahning in. Thlarau thil pek cun. mi dang nih an hmuh ve lai ti ruahchan cu hruh asi
Tthat lonak lungthin a ngeimi nih cun
Soi awk thil an hmuh peng tawn.


   Mi hrutnih mifim mii sinakin mifim nih mi hrut sin in tam deuh an cawng.
Mi a hngarmi cu asi afak zung zal lai
      Hnahchuahnak cu ader zeicatiah
Attaam lawng ttaam peng i a ei bal lo.
Huatnak cu arawl attaam ngai mi langta nih lu ruh ro a vun cuk ban tuk khi asi.


     A cheuchum lawng a hngalmi cu
Mi hrutnakin ttih an nung deuh.
Thil ri pawn mi cu a kir tthan ko lai nain din felnak voikhat pawn cangmi cu hmuh tthan khawh asi ti lo.
A nun zia aa dawhmi cu ca thiam lo zong ah mifim le mifel ah ruah asi tawn.
Nun zia nih dawh nak a ngei.
Dawh lonak zong a ngei.
Mifim sinak zong a ngei i mi hrut sinak zong a ngei.

Nan Ral Va Daw Hna U.

Nan Ral Kha Va Daw Hna U

Abraham Lincoln nih America ram lutlai si ding a rak i zuam lio ah, a rak dotu le huatu, ca in siseh hmurka in siseh, a muisam tiang in a rak soiseltu cu Stanton a si. Cu vialte ah Lincoln cu ram lutlai ah a rak tling.

Amah rian a bawmtu ding Cozah chungtel thimnak caan a hung phan i, raltuknak lei țuanvo ngeitu ah Stanton cu a vun thim ko. Cutik ah a hawi le vialte nih Lincoln cu 'Nai palh cang. Stanton hi aho si na hngal maw? Na thang an chiat i an soisel mi vialte hi na hngal maw? Hi pa hi na ral a si. Nai tinhmi le na rian vialte an hrawkpiaktu ding a si hi na hngal lo maw?' tiah an mawhchiah.

Lincoln nih a lehmi hna cu 'Stanton hi ka hngalh ko, a ka thangchiatnak le huatnak vialte zong ka hngalh ko, asinain hi rian caah hin amah hi aa tlak bik' tiah a leh hna.  Cuticun Stanton cu rian a van țuan i Lincoln le a ram caah a thazaang dihlak in a rak țuan.

Lincoln cu mi vialte nih upat mi le thangțhat mi a si ko nain a thih ni ah Stanton nih a thangțhat ning hi hmual a ngei bik ko rua. "Atu cu chan vialte chung ah a um cang" (Now, he belongs to the ages) tiah a thangțhat.

Lincoln nih Edwin Stanton a hawikom ah a ser khawhnak kha minu pakhat nih a khuaruahhar tuk i bia a rak hal. Lincoln nih a lehnak cu 'ka ral kha hawikom i ka ser cu ka tei bantuk țhiam țhiam a si ko lo maw?' ti hi a si.

Huatnak kha huatnak in lehrulh cu muihnak i a dang muihnak va chap bantuk a si. Muihnak cu ceunak lawng nih a tei khawh. Huatnak nih huatnak a karhter. Cucaah Jesuh nih nan ral kha va daw hna u tiah a kan cawnpiakmi hi atu chan ah hlah maw a herh bik ko rua tiah ka ruah. Huatnak le i entainak in a khatmi vawlei ah damnak sii țha bik cu dawtnak a si.

Dawtnak nih ngaihthiamnak a hrin. Ngaihthiamnak cu voi zeizat dah kan ngaihthiam hna tiin 'a zat' ah si loin nitinte kan nunnak nunpi ding mi 'nunnak' tu a si deuh.

Ralbawi minthang Napolean Bonaparte nih a hnulei tuanbia a zoh țhan tikah hitihin a chim. "Alexander, Caesar, Charlemagne le keimah tiin a lianngan mi pennak kan dirh hna nain cu pennak cu minung thazaang țhawnnak ah an i hngat. Asinain a luancia kum thong lio ah khan Dawtnak ah hram a bunhmi pennak cu Jesuh nih a rak dirh i nihin ni tiang cu pennak chung ahcun minung tampi an i pe' tiah a ti.

Tha le zaang le hriam le nam in dirhmi pennak cu a tlu țhan ko. Rom pennak a tlu, Greek pennak a tlu, Persia le Babylon pennak an tlu țhan ko. Sinain Jesuh nih dawtnak in a dirhmi pennak cu nihin ni tiang in a nung. Cu pennak cu nan ral kha va daw hna u timi cawnpiaknak ah hram a thla. Cu pennak cu zungzal hmun mi pennak le teitu a si zungzal nak kha Jesuh nih fiang tein a rak hmuh chung caah a kan fialmi a si.

America ah kum tampi chung huatnak le thleidannak tlang ah hram a bunhmi minak le mirang thleidannak cu dawtnak hriamnam nih a tei. Dawtnak nih cun hriam le nam nih a uk khawh lomi thinlung kha a uk khawh. A tei khawh. Cucaah na ral kha tei na duh ahcun lam pakhat lawng a um, cu cu 'Dawtnak lam' a si. Bawipa sunparnak caah.

By
      BikBikThluasut

Pathian Khua Khan.

Bawipa bia ningin le Bawipa duh ningin a kawlmi lawng nih Bawipa cu an hmuh lai. Kan eidin kong changreu ca menmen lawng ah kan zulh le kan kawl a si ah cun biatak ning tein a kan leh tikah kan celh te lai lo. Kan duhnak kan tlinter hmasa ah cun Pathian nih a duhnak tlinter dingah a kan hal tikah kan celh te lai lo. Cu caah Pathian duhnak tu tlinter hmasa ko hna u sih.


Kan fiankhawh deuhnak caah, tahchunhnak 1. Jepthah ral teinak le a fanu raithawinak. Jepthah nih cun a duhnak tlinter hmasa dingah Bawipa sinah thla a cam. Cu caah ral cu a tei nain inn a phanh ah a pek hnga ding cu a fanu dawt tuk mi a rak si ve ai. 2. Abraham le Isaac raithawinak. Abraham nih cun Pathian duhnak kha a tlinter hmasa caah Bawipa nih a duhnak a tlinter ve.


Judah phungah cun Nu nih a thi chuak lio ah leng a chuah ah cun lung in thilak in cheh ding a si nain kum 12 thi chuak mi nu te cu Jesuh sin ah zumhnak in a panh lio ah khan thi loin damnak a hmuh ii Jesuh sunparnak a lang. Pathian tel loin vawlei hi zeitluk in dah ttih a nung ti kha thlarau mit lo cun hmuh khawh a si lo, hngalh khawh zong a si lo.

Matthai 5: 13-14 “Nan nih cu vawlei cite nan si, nan nih cu vawlei ceunak nan si. Cite cu muihnak zongah a al ko. Tlawmte na liah zongah a al. Ceunak cu muihnak nih a uk kho bal lo.  Khrihfa nun hi zeidah a si? Phungthlukbia 29:1 “Tu le tu chimhhrinh ko nain a ngai duh lomi cu fawi tein chikhat te ah a kiak lai” Khrihfabu timi hi na caah zeidah a si? Khrihfabu timi cu Pathian nih Khrih a zumtu hna hmunkhat ah lungrual tein um ding le a ramkauh nakding caah a kan pek mi hmun a si.


Tha tein ruatțhan hmanh, kei hi khamh ka si tak ko hnga maw? tiah. Thiangthlarau nih a ka tongh lai ii ka lam lai ti hlah, nangmah nih Thiangthlarua kha tongh ii zuam hmasa. Jesuh hmaiah kan thinlung bungh ko hna u sih. Kan lam mi hi zuri, mihrut ah kan ruat ko hna seh, kan hlan ah Pentecost ni ah an rak soi len cang ko hna. Hanah nih a thinlung dihlak Bawipa sinah a bungh caah zuri ah an ruah nain Thlarau thlachuah fapa Bawipa sin in a hmuhnak a si. Cana khua nupi thitnak ah Jesuh a nu nih “Jesuh sabit a dih cang, a ti lio ah khan, Jesuh nih “Minu dai ten um ko ka caan a phan deng cang a ti. Mary nih khan Jesuh bia ruangah ai ngol lo, ai ilh lo, ai khiak lo, cu caah Jesuh sunparnak a lang, ti cu sabit ah a cang.


Emau khual lam ah mi pahnih nih Jesuh cu a ho a si kha an hngal lo nain an sawm. Innchungkhar ah harnak, lungretheinak a um maw? khua a ceu hlanah Jesuh cu sawm ve hna u sih. Jesuh nih khuachia khuavang nih a tuah mipa a thawl caah, an sipuaizii ruangah an thawl; Jesuh nih a chuahtak mi khua le khrihfabu, member hna kan si ve sual lai. Judah phungah zeirel lomi Samaria khua ah Jesuh nih ni hnih a cam pi hna. Jesuh cu sawm ko hna u sih. Kan herhmi kha a rak hngalh dih ko caah thlachuah pek ta loin a kan chuah tak lai lo. kan thlum al nak Jesuh Khrih a si.


Pathian biathli cu taksa hna in kan ngeih ah cun kan hngalh khawh lai lo caah thlarau hna in kan ngeih lawng ah kan hngalh khawh lai. Pathian khuakhan cu minung cung ah aa hngat lo, a mah duh ningin a kal mi a si caah, minung nih hngalh khawh si hmanhhlahsehlaw, kan caah thiltha lo a um bal lo. Minung caah thilthalo, thih le loh nak, sunghzatlak nak kan ton caah Pathian khuakhan hi zeidah a si hnga kan ti tawn, nain kan caah thiltha cu kan mah nakin Pathian kan Bawipa nih a hngalh deuh. Minung ruahning le Pathian ruahnak cu van le vawlei bantuk in aa dang mi a si.

Isaiah 55:8-9. Minung nih khua cu an khan ko lai  sinain  donghnak nawl ngeitu cu Bawipa a si. Phung 16:1

Kum Zakhat Leng. Khrihfa Asi Cangmi Laimi Nih Kan Hrial Khawh Bak Lomi.

Hmaisabik ah caan țha a kan petu kan Pathian a min thangțhat siko seh! Dawtmi zumtu nulepa hna nan umnak cioah. Bawipa nih thluachuah an pe ko hna seh! Thawngțha tawite in i hrawm hna usih. Baibal cang thim.

Matthai 7: 2 midang na soi hna ning te khan Pathian nih an soi lai i midang cung i na hmanmi tahnak te kha Pathian nih na cungah a hman ve lai.

A biathiang a reltu kan dihlak caah. Bawipa nih thluachuah pe ko seh! Kum zakhat a tling cangmi zumtu. Laimi nih. Kan hrial khawh bak lomi le. Aho mizei kan si hmanh ah. Kan hmurka in a chuak lengmangmi cu. Soiselnak bia hi asi. Mi pakhat asi ah. Bu an si ah.kan soipengmi hna hi. Zumtu nun he aa kalh bakmi asi.

A cung Baibal cathiang chungah fiang tukin a kan cawn piak. Zumtu țha a simi nih cun. Mi kha an thangchia seh tiah a chiatnakin an soi bal hna lo. Zeicahtiah cathiang chungah fiang tukin an kan cawnpiakmi kha an hngalh camcin. An i cinkin. Ațhalo ti kha an theih zungzal. Pathian an tih zah. Cunihcun zumtu diktak an sinak a langhter.

Kan biachim. Cațial in. Zumtu dirhmun hi kan fiang taktak lo ti a fiang. Khrihfa a simi nih. soiselnak tampi kan țial awk le kan chim awk a si lo. A poi taktakmi cu. Kanmah nun i tah loin mi nun kan tah lengmangmi hna hi asi. A ngaingai ah cun. Pathian he kan i pehtlaihnak ah.kanmah le kanmah hi.kan i tah tawn awk asi. Cunihcun. Kan tlinnak le tlin lonak kanmah tein kan i thei lai i. Mit hmuh loin kan biakmi. Kan Pathian lung kan lawmhter khawh lai.

Mi soisel a hmangmi hna cu. Mi nih an soisel ve ko hna. Zeicahtiah. Pathian bia asi. A ngaingai tiah cun. Minung hi kanmah tein kan sining kan i hlawh ko. Mi țha nih cun. A țhat bantukin. Țhatnak kha a zun tawn ko. Mi țhalo nih cun a țhatlo bantukin. Țhat lonak kha a zun tawn ko. Hohmanh nih.a țha komi kha. Mi ţhalo cazin ah. an chia bal hna lo. Baibal zongnih a chia fawn hna lo.

Atu chan. Laimi kan dirhmun zoh tikah. Ngaihchia kan si. Zumtu kan sinak. Zeiah kan rel lo. Zumtu timi cu. Biakinn lawngah.kan si ding asi lo. Zarhkhat voikhat kan i pumhnak. Biakinn nakin. Ni ruk chung kan um kalnak kan tuahsernak hi.a biapi taktakmi asi. Zarhpi ni khrihfa menmen kan tamtuk. A thurhnawm tukmi kan nun hi. Thlacamnak he kan i remh a hau cang.

Cun thazaang pek kan duhmi hna cu. Mi nih an in soisel le an in tangchatnak kha zeiah va rel hrimhrim hlah. Thazaang chiatnak le lung nuamh lonakin va um hrimhrim hlah. Laimi cu. Bu tampi kan um caah kan umnak. Bu kha cutin khatin tiah mi țhalo hna nih an soisel zongah.na lung va zor hrimhrim hlah. Fek tein na zumhnak kha i tlaih ko. Thazaang laknak tu ah hmang law. An bia zong va let duh hna hlah. Cunihcun mi țhalo an sinak kha a fianter khun lai.

Zumtu diktak cu. An lung a sau an thin a fual dawtnak zawnruahnak zaangfahnak an ngei an zumhmi ah thuk piin hram an tla i zeinih a thial kho hna lo.ti kha fek tein i tlaih ko. Rili cung i. Thinghnahchawl ro bang thli nih a chawihnak paoh ah. Aa thuimi va si hlah. Zungzal a nungmi. Pathian tu kha fek tein i tlaih law na nunnak kha. Pathian bia in hruai vawlei mi sawhsawh chimrelnak nih zeihmanh țhathnemnak a chuahpi lai lo ti kha va philh hlah.