Yangon sang pakhat ah unau rual minung pali cu ralhrang nih an tlaih hna i thihdan an pek hna ti si, sualnak ngeilo ralhrang nih an duhduh in mipi thihdan an pek mi hna hi minung 60 an si tiah AAPP nih thawng an thanh.
Hi hna unau pali hi hringtu a pa nih a thih tak cang hna i hringtu an nu lawng nih a nunpi hna hringtu an nu lungthin a kekkuai tuk kafale hi zeihmanh sualnak an ngeilo zeiruangah dah thihdan an pek hna timi ka ruah ah ka lungfak tuk ati.
Asinain ruahchannak aum ko NUG nih cozah țha tein a tlaih khawh cun an chuah ko hna lai zeicahtiah sualnak ngeilomi an si kha zapi nih theih an si ko i ralhrang nih ralhrang an si bangin an duhduh in mipi sualnak ngeilo 888 an kan thah cang ko cu
Annih cu ralhrang an si bantukin zeitik hmanh ah nawl an ngeilo i vawlei cung ram hna zong nih an doh hna i hramhram in uknak a firtu le mithat lainawng cazin ah an chiah cang hna.
A ra laimi September thla ah UN meeting an tuah lai i cu hnu cun NUG kha Myanmar rampi cozah caah pom a si lai i cu hnu cun ralhrang cu an cawl kho ti lai lo mipi nih kan duhning in kan tuah ve cang hna lai.
Caan karlak chungah mipi nih lungfim te le ralring tein kan um a herh i raltha tein kan doh hna zong a biapi tuk,lungdong lo tein teirial chuah ko hna usih teinak kan hmuh hrimhrim lai.
