Samaria Mițhapa

 Yangon khuapi ah khua a sami Samaria mițhapa nih kan inn cu ting 2000 ah ka zuar lai i mipi thawpeknak caah ka hlut lai ati.

A inn cu hmanthlak chung i kan hmuh bantuk hin inn țha taktak asi, ralhrang nih mipi Covid-19 in a zawmi hna cu thawpeknak an pek khawh hna lo   caah nikhat ah minung 500,600 lengmang an thih tikah ka lung a fak tuk cucaah ka inn cu ka zuar lai i mizaw thawpeknak caah ka hlut lai ati.

Hipa bantuk dawtnak zawnruahnak a ngeimi mițha hi vawlei cungah an har ngaingai lai, a chungkhar he an umnak an inn rori zuar in mizaw nunnak chanhchuah aa timhmi cungah Myanmar mipi dihlak nih an thangțhat i khuaruahhar in a chiah dih hna.

Ralhrang nih uknak an lak hnu in Myanmar rampi cu ralhrang nih minung 1000 deng an thah cang hna i micheu cu thihdan an pekmi hna 60 an um cu lak ah Covid-19 nih a vun den rih hoi i nifatin in ngaihchia mitthli tla in aum liopi asi,

Țahnak aw le aihramnak thawng nih vawlei pumpi a hninh dih zeibantuk  in hmailei ah a can lai hngalh a si rih lo lungrawk ngaihchia tuk hringhran asi.