Thaizing Kong.

Minung țhanchonak caah a biapi bikmi kong tlawmpal in ka vun țial hmanh lai. Mitampi kan sining taktak asi. Mizapi kan si lo hmanh ah.a tam u cu kan siko. Atu tuahding țuanding chimding pawl kha a hnuah ka tuah te lai ka chim te lai tiah rian kan i chiah tawnmi kha chim duhmi asi.

Mitampi kan țhancho khawh lonak a ruang cu.a hnuah thaizing tiin atu ah tuahding chimding țuanding kha.kan tuah colh lo kan țuan colh lo ruangah.theihlo karah caan nih a kan liam taak tawn i.țhanchonak zongah a thli tein a kan donh tawn cucu mitampi nih kan hngal tawn lo.

A ngaingai ah cun.atu kan tuahdingmi kan țuandingmi kan tuah țuanlo tikah. Thathut nih duhsah tein a kan tlaih ziahmah tihi kan theilo.ahnuah kan ti lengmangmi nih.zeitlukin kan caan țha a liam ti hi kan tuak kho tawnlo. Țhanchonak le si khawhnak kan duh ah cun.a hnuah timi hi kan ngol bak a hau.

Minung kan si caah kan nunnak zei a lawh lai hohmanh nih kan hngal lo.thaizingah kan tuah te lai kan ti te lai timi ruangah kan sunghmi zeizat khi dik a va tam cang hnga.hawidawt thazaang pek kan duhmi cu.a hnuah thaizingah ti hrimhrim hlah na tuahdingmi na țuandingmi atu a herh tukmi hna kha.thaizingah a hnuah na ti lengmangah cun na tlaituk sual lai.

Na caan țha cu atu na nun lio te hi asi.na tuah na ţuan khawh lioah. Tuah colh țuan colh chim colh law naa dinhmi na phan ko lai.