Lal Ro Tluang Le A Dawt I Chawnhnak

CNA bo hnih Lal Ro Tluang cu date.16.11.2022 ah Hakha khuapi chin o si sang ah ralhrang he an i kahnak ah a nunnak a liam.

CNA Ralkap Bo Hnih Lal Ro Tluang.

CNA Bo hnih Lal Ro Tluang cu Date.16.11.2022 ah Hakha Khuapi Chin O Si ah ralhrang he an i kahnak ah a nunnak a liam tiah thawng kan theih.

Mah hi mi raltha taktak asi i ralhrang meithal zong tampi a lak piak khawh hna pinah ralhrang bawipa zong man in a sawh ngamtu mi raltha taktak asi.

Timit hrawng ralhrang he an i kahnak zongah tampi à that khotu bik asi i an i bochan tukmi paraltha taktak asi.

 Atu bantukin Hakha Khuapi Chin O Sì ah aummi ralhrang an kahnak hna ah a nunnak a liam cu zaang a ram tuk i sian aum lo tuk tiah an ti.

Ralhrang nih an rak bawh hna caah a tang ah zun hnih in an kah i a nunnak a liam hi asi tiah thawng kan theih,ngaih a chia tuk hringhran ram le miphun caah nunnak a liam mi paraltha Lal Ro Tluang upatnak sangbik kan in pek.

Minung Hi Saram Bantuk Men Kan Si.

 SALM 49

1 Mi vialte hna, hihi thei tuah u,

7 Minung nih cun zeitikhmanh ah

amah le amah aa tlan kho lo;

a nunnak man kha Pathian

a cham kho lo;

8 zeicahtiah minung nunnak man cu

a sung tuk.

A pek khawhmi cu

9 thlan chungin a luattertu le zungzal in

a nuntertu ah a zaa bal lai lo.

 

10 Hihi philh hlah: mifim zong mihrut

bantukin an thi ve ko lai i

an chaw le an va cu an fale kha

an roh ve ko hna lai.

11 Thlan cu zungzal in an umnak ding

hmun a si ko lai i

cuka ah cun a zungzal in

an um ko lai.

Hmun le ram kha an rak ngei

ko lai nain

an chaw le an va cu

midang sin i an kaltak a hau

̣hiaṃhiam ko lai.

12 Mi cu a lianhngannak nih thihnak in

a khamh kho lo;

saram bantukin a thi ve ko lai.

Octuber Thla Chung Thil Cang

 2022, Octuber Thla 

...............................

Octuber Thlakhat chung teah Vawlei cung hmunkip khuaruahhar in Minung nunnak a liam . 

1. Octuber 2 '' Indonesia ram Pumpalulh chuihnak i buainak ruangah Minung 127 tluk an thi''.

2. Octuber 6 ''Thailand ram Mucu ngakchia sianginn chung meithal kahnak ah minung 37 tluk an thi ''.

3. Octuber 23 '' Kawlram, Pha-an hlasak puai Vanlong kahnak ah minung 80 tluk an thi ''.

4. Octuber 28 '' Philippine  Khua chung tii a lianh ruangah minung 100 tluk an thi ''

5. Octuber 29'' Sumalee Ram Motor pahninh ah Bomb a puahkeh ruangah minung 120 tluk an thi ''

6. Octuber 29 '' S.Korea ram Holloween puai ah minung 153 tluk an thi ''

7. Octuber 30 '' India ram hlei pakhat a cat ruangah Minung 134 tluk an thi ''.

.............................

2020-21 chungah zeitluk in dah ruah lo piin vawlei cung Minung Covid in kan thih, a tam taktak khi si. 

Unau, hawidawt kan Vawlei nunnak khuallam hi Jesuh he lo cun suimilam tem chung hmanh kal ngam ding a si lo. Bawipa he lawnglawng Vawlei khuallam khi kal tti ko hna u sih.

Kawl Siangpahrang Kong.

 KAWL SIANGPAHRANG CHAN LIO AH THUTDANH I CUH RUANG AH CHUNGKHAR I THAH-NAWNNAK TETE (Share lo ding, post chap lo ding)

1. Bagan Dynasty dirhtu, Anaurahta (11 May 1014 – 11 April 1077), cu aho ti hngalh lomi nih a that i a ruak zong hmuh thai asi lo. Mipi an lung nuamhnak ding caah Nat kha naa chungah a lut i a suh i a thi. A ruak cu nat nih an ram ah an i kalpi tiah mipi hlen an rak si. (A thattu hi a fale an si kho tiah a zummi an um).

2. Saw Lu (19 April 1049 – c. 21 April 1084)  nih siangpahrang rian a ka chuh sual lai ti phan ah anau Kyansittah hi a rak ttih tuk caah thah ding in a rak dawi lengmang. Ral tuk ding a ngeih caan lawngah a auh tawn. Saw Lu cu Mon Siangpahrang Yamankan nih a thah. Kyansitta nih kan chanh lai a ti nain, Saw Lu nih nangmah tu nih na ka thah chin lai rak ra hlah a ti.

3. Along Situ Siangpahrang (1090–1167)  cu a dam lo lio ah siangpahrang hnu deuh i ttuan kha a hngak kho lomi a fapa, Narathu, nih chantling in a thaw a phih i a thah i amah nih siangpahrang rian a ttuan.

4. Naratheinkha (1141–1174) cu Narapatisithu nih a rian chuh a duh caah Aung Zwa kha a thah ter. Na thah khawh ahcun siangpahrang nupi pathum bak kan peek lai tiah bia a kamh i a thah.

5. Narathihapate (23 April 1238 – 1 July 1287) cu a fapa, Thihathu, nih siangpahrang rian chuh a duh tuk cang caah a tlaih ter hna i a duh na lo in poison a din ter i a thah. Amah nih siangpahrang rian a ttuan huar.

6. Tabinshwehti (16 April 1516 – 30 April 1550) cu Taungoo Dynasty a sunpar tertu asi nain Portuguese Khrihfa pa, a sin i a ummi nih zu a dinh lengmang i mihrut ah a can ter.  Smim Sawhtut timi a kut-tang pa nih a thah.

7. Nanda Bayin ( 9 November 1535 – 30 November 1600), Taungoo siangpahrang lianngan cu Prince Natshinnaung, a unau fa, nih a thah.

8. Anaupetlun (21 January 1578 – 9 July 1628) cu khual a tlawn kar ah a nupi pakhat kha a fapa, Minyedeipa, nih a sual pi. Ka pa nih a ka thah sual lai ti a phan tuk caah amah tunih a pa kha a thah hmasa i siangpahrang rian a ttuan beh.

9. Minyedeippa (1608 – 25 November 1629) cu a pa  nau asimi, Thalun, nih a thah i Thalun nihcun siangpahrang rian a ttuan beh.

10. Pindale Min (23 March 1608 – 3 June 1661) cu a nau pa, Pye, nih a tlaih i a nupi (Chief queen) he ti chung ah thi lak in an hnim hna i amah nih siangpahrang a ttuan huar.

11. Singu Min (စဉ့်ကူးမင်း,10 May 1756 – 14 February 1782) Kungbong Dynasty ah siangpahrang asimi cu a pa-nau-fa, asimi Phaungkaza Maung Maung nih a thah i a rian a chawn.

12. Phaungkaza Maung Maung (15 September 1763 – 11 February 1782) cu a pa nau asimi, Bodaw Phaya nih a thah i a siangpahrang rian cu a chuh ve.

13. Bagyidaw (23 July 1784 – 15 October 1846) cu a naupa, Tharrawaddy Min, nih a duh na lo in a rian in a dinh ter i a nupi le a tta pa cu a thah hna. Siangpahrang cu house-arrest a tuah i a thih ter. Amah nih siangpahrang rian a ttuan.

14. Pagan Min (ပုဂံမင်း, 21 June 1811 – 14 March 1880), cu a pa Tharrawaddy, nih siangpahrang rian a ttuan ter. Pagan Min nihhin siangpahrang rian a ka cuh kho dingmi minung tiah a ruahmi, a pa unau vialte kha a thah dih hna.

15. Kanaung Mintha (ကနောင်မင်းသား; 31 January 1820 – 2 August 1866) cu Mindon Min i a nau asi i Mindon a thih ahcun amah nih siangpahrang ttuan ding asi. Asinain Mindon fale nih sinagpahrang ttuan an duh tuk cang caah Kanaung Mintha le a fale pathum hna cu an thah hna.

16. Thibaw Min (1 January 1859 – 19 December 1916) siangpahrang asi khawh nakhnga Mindon Min i a nupi pakhat asimi, Shinphyumashin, nih siangpahrang chungkhar vialte cu a auh hna. Mindon Min cu a thih cang lai caah biacah an duh hna tiah a hlen hna. An pa kut-tlaih ding i an rat lio ahcun Mindon i a nupi dangle vialte le an fale vialte (nu he pa he a zaapi tein) a thah ter dih hna. Minung 40 deng pi khi an thah dih hna. Thibaw lawnglawng a nun ter i cucu Mindon he an hrinmi nu Supyalat he a umh ter hna i siangpahrang a ttuan ter beh hna.

Credit Aung Myinh Thang

Țafar Ralhrang Nih An Thah Hna

 Chinram Tedim peng Haimual khuami țafar hawl cu ralhrang nih 16.8.2022 ah an thah hna

ralhrang nih Tedim peng, Haimual khua an luh hnawh i mei in an khangh lio ah an tlaihmi unau hna Lal Nun Puii (kum 17) le a ttapa Lal Ruat Mawia cu Haimual khua le Rihkhawdar karlak ah an ruak in an hmuh hna.

Ralhrang nih sualnak ngeilo mipi 2300 an kan thah cang.

Ralhrang Nih Nu Pakhat An Thah.

 Pakoko ah nu pakhat cu ralhrang nih an thah ti asi,an thahmi video cu fb kip ah hmuh khawh asi.