Mei phalh ah a kalmi Pastor Cung Biak Hum cu ralhrang nih meithal in an kah i a thi tiah theih asi,a thih hnuah a kutdong an tan i a kutdong hrolh an fir piak tiah theih asi rih.
Mithat ralhrang nih sualnak ngeilo mipi an kan thahmi zat cu AAPP nih cazin an lak i nihin tiangah 1110 an tling cang ti asi,mithimi hna hi atu cazin nakin an tam deuh lai tiah ruah asi.
Zeibia dah a chimh ta hnga timi kong ka kuat hi a hmanthlak i a hnuleite khi zoh hmanh thi lawngte a luang,a țang ah an kah i zeiti hmah in nunnak a țha lo a poi tuk hringhran an nu farual tein ka zoh hna ah ka lung a țha hrimhrim lo ka ngaihchia tuk😢😢😢😢
==================
August 27 Thantlang khua chung bomb puahnak ah minung pakhat a thi i 11 nih hliamhma an tuar.
A Thi mi -Pu Hlei Bik - 45
Midang hma a pu mi hna:
1. Pa Phir Cung - 12
2. Pa Biak Tling Cung - 26
3. Pa Tha Peng Lian - 28
4. Pa Bawi Lian Hum - 29
5. Pu Tial Thawng - 36
6. Pa Bawi Nawl - 27
7. Pu Mang Lian Chawn - 56
8. Pu Fung Lian Mang - 32
9. Pu Than Ceu - 50
10. Pu Tluang Bawi - 29
11. Pa Uk Lian Kam - 14
Mah hliampu 11 chung ah hin;
Pa Uk Lian Kam
Pu Tluang Bawi
Pa Bawi Lian Hum
minung 3 hi Hakha Sizung ah lanhter an si .
Thil sining cu 25.8.2021 ni ah Thantlang kan khuachung i kahnak a um lio ah Pu Hlei Bik te an um nak inn a rawk mi Sang mino nih an remhpiak lio hna ah, Ralkap lei in an kah mi 60mm Motor bomb a rak puak lo mi kha Pu Hlei Bik fa le Pa 2 nih an dumchung ah an va char i inn tual ah an rak kaipi, inn tual ah cun a puak. A hmun ah an Pa, Pu Hlei Bik cu a thi colh .
Hliampu mi chung ah hin Pu Hlei Bik a fa le minung 2 an i tel . A fapa pakhat hmanthlak ah a cuang mi hi a pa he an thu tti ko na in kuangfang pakhat te zong nih a kheng lo . khuaruah har ngai cu si . A Ule 2 tu cu an i hliam .
Credit: Pu Ram Khar
US president hlun, Bush a kaika te a rak si i, tang hnih sianghngakchia sinah a rak len lio a rak si. Ngakchia pawl ca a rel piak cuahmah lio a rak si. TV 📺 ah New York innsangpi a cim lio cu a khat. US ram chung ah ralhrang nih a fakbik an tuk a si. Cu lio ahcun, President Bush nih Bible cacang, Psalm 23, “A thuk bikmi muihnak horkuang chungin kal hmanh ning law, Bawipa, zeihmanh ka ṭih lai lo, zeicahtiah nangmah nih na ka umpi.” timi hi a rak ithim.
American Mipi sinah bia a rak kamhmi hna cu, 9/11 ah tuanvo ngeitu hi a dikmi biaceihnak ah kan phanpi hrim lai a rak ti.
Ahodah New York’s Innsangpi tuknak ah tuanvo ngeitu a si, timi an von hlat colh tikah, Osama Bib Laden a si kha an hngalh. Osama Bin Laden cu Muslim ralhrang, Al-Qaeda leader a rak si i Afghanistan 🇦🇫 ram ah hram a rak bunh. Cu lio ah Afghanistan 🇦🇫 ram uktu cu Taliban hi an rak si.
US Cozah nih Taliban sinah ah Osama Bin Laden hi an rak hal. “Osama Bin Laden hi rak kan pek” an ti. Asinain Taliban nih Osama Bin Laden cu an rak humzual, US nih a halmi hna cu an rak pe duh lo.
Taliban nih Bin Laden an rak humzual caah US Cozah nih Taliban cu 2001, October thla ah an rak luh hnawh hna. Taliban cu an zam. Bin Laden zong a zam ve. Bush chan a dih i Obama chan ah Bin Laden nih aa thuhnak Pakistan ram ah an va thah.
US Cozah nih Bin Laden tlaih le thah duh ah Taliban Cozah an rak luh hnawhmi hi Afghanistan 🇦🇫 ram Mipi caahcun, Lottery poh bantuk a rak si. A chia kha takmi Taliban uknak in, Democracy ram ah an icang. US, Australia, Canada, NATO tbk vialte nih an bawmh hna. An ram cu an sersiam piak hna.
Asinain Afghanistan ram zalawnnak/freedom le liberty a duhmi an rak tlawm ngai rua. Democracy hna hi an rak duh tuk lem rua lo. Kum 20 chung US le a hawikom ram hna nih an sersiam piak tuk ko hna nain, nihin ahcun hlan lio uknak a chia takmi Taliban kut ah an phan tthan ko.
Nihin ah Canada 🇨🇦 Prime Minister biachim le US President biachim ka ngai tikah, an lungfaknak an langhter rual in, Kum 20 chung kan bawmh ko hna nain, anmah duhthimnak a si ko tbk ilungsak aw-awn in an an chim.
Nihin ah Afghanistan Cozah a tluk tthan cu, an hruaitu hna chambau a si. An Mipi zong an chambau. Democracy hi an rak duh tak lo tinak a si. An president hna kha ram dang ah a zam diam i, a cheu nih miralchia tiah an soisel.
Bush chan in aa thawkmi 9/11 ral dohnak in a chuakmi Afghanistan 🇦🇫 cu Kum 20 hnu ah a hlan an sining lei ah an kir tthan tinak a si.
Crd Zasang Cinzah.
1. Mihrokhrawl= Lihchim a hmangmi, mi hlen a hmangmi
2. Midepde= A thinlung a thiang lomi
3. Mirureu= Fir a hmangmi, bia dik a chim lomi, thil dik a tuah lomi
4. Midukdul= Bia a chimmi le a thinlung i a ummi ai dangmi minung
5. Miruamkai= A duh komi kha a duh lo bantukin ai um termi
6. Mithinbahlawk= A thinhun ah zeihmanh a ruat kho lo i zeipoh a tuah ngammi
7. Minal= Biachim aa fawih ngaimi (Thantlang holh), Mi lihchim (Halkha holh)
8. Michupchap= A hrut pahmi
9. Milotlau= Cacawn a zuam lomi, thil tthalo hnu lawng a zulmi
10. Mikhurkhuatuaklo= Inn le lo, hmailei ca, chungkhar ca a ruat lomi
11. Mizeiruaramlo= Hman awk a tlak lomi, mi thathu
12. Miilhkhiak= A palhnaak von chimh i a let in a buai huammi, cawnpiak a huami
13. Mitlawkciar= Thil fate kong zong ah saupi a buai zuammi. a chim pengmi
14. Micingngir= Zei thil kong poh ah a buai pengmi, vuivai a zuammi
15. Mivuivai= Buainaak kong lawng a chim pengmi, lawmhnaak kong a chim bal lomi
16. Mittiattumlo= A pum a tling lomi, thazaang a ngei lomi, hawi pumrua a tia lomi
17. Miluala= Rianttuan a zuam lo i nuamhnaak hmun lawng a ngiami
18. Micawmpalawk= Biatak a chim bal lo i capo lawngte a chimmi
19. Mivaivuan= Cawnpiak khawh ti lomi, lohtlaunak a zuul cangmi
20. Milaklawh= Hman awk taktak ah an ttha lo i hman lo awk ah le a paam fawnmi
21. Mihngal= Mahnak upa le mah nakin sining sang deuh a ngeimi kha zei i a rel lomi
22. Miphawrhlaw= Mah le mah ai fak pengmi, mi i fak peng a duhmi, mah nak niam deuh a nehsawhmi
23. Mihringhrochia= Kan thah lai, kan nawn lai, na sa kan ei lai ti hrawng i bia a chimmi
24. Mizuangzam= Pa asi ahcun nungaak pakhat hnu pakhat a kawmmmi, nu asi ahcun pa pakhat hnu pakhat ai thlengmi
25. Mimawlmawk= Mihrut deuh, capo awk men i an hmanmi hna
26. Mikoktlawng= A cawlcangh a chia i bia nem a chim lomi
Vawleipi ah zeibantuk țhithruainak hmanh ah zapi duhnak aa hrawm duh lomi cu ruahnak hmaan lo an si,phundang in chim ahcun keimah timi ruahnak a ngei țung i a taktak ah zeihmanh ah rinhcanh awk a tlak lomi pawl mi lungkhawng an si.
Hi bantuk lungput chiahru a ngeimi hna pawl hi mipi nih zeibantuk țhithruainak hmanh ah telh ding an si lo,a taktak ah zeihmanh tuah khawhmi an ngei țung lo i mipi caah sunghnak fak pi a petu men an si.
1962 Ralhrang hruaitu Ne Win nih U Nu cozah cu uknak a chuh i hi hlanah Myanmar ram cu a rak rum tukmi asi i atu Thailand le Malaysia pawl nih an i zohchunh tukmi asi i kum zeizat ah dah Myanmar ram sining kan phak khawh te lai tiah an rak ti ti si.
Thil ti kho ngai ah aa hmu i mipi duhnak Democracy lam a zul duh lomi ralhrang hruaitu Ne Win nih aana a ting sinin nikhat hnu nikhat Myanmar ram cu sifah nih a tlunh i kum 20 chungah vawleipi ah sifak bik dirhmun laksawng a hmuh.
Atu ralhrang hruaitu Min Aung Hlaing nih aana a ting hoi i thlaruk chungah sifah in vawleipi ah a min a thang manh ko,mipi duhnak zeiah a rello i mah duhnak le ruahnak lawnglawng in kal a duhmi hna minung pawl hi zoh hna tikah mifim ngai le thilti kho ngaingai ah an i chia nain a taktak ah an tuah khawhmi zeihmanh aum lo.
Ralhrang hruaitu Ne Win cu amah cang ah rampi hruaitu ka si bal aa ti ve nain a thih ah Myanmar rampi mipi nih an theilo ti si, a fawinak cun zu le va thih tluk ceo men asi a hohmanh nih zunhrah a tong lo ti si.
Min Aung Hlaing zong hi a fawinak cun tuanah mah tlukin a min a chia lo nain atu ahcun Myanmar rampi mipi caah cun a nunnak in a thih kan duh deuh dih cang a sullam cu mipi duhnak zeiah a rello i aana a ting ruangah asi,a taktak ah zeihmanh a tuah khawhmi aum fawn lo caah Myanmar rampi caah fahnak petu menmen a si.
