PDF Minkin 57 Ralhrang Nih An Tlaih Hna.

 Nihin 29.7.2021 zingka ah PDF Minkin le mithat ralhrang cu an i kap i ralhrang pathum an thi i hliamhma a pumi zong an um len ti si,hlampal ah ralhrang pawl cu khua chungah an kir i PDF Minkin pawl cu remnak kan tuah lai nan meithal chia u law khua chungah rak lut u tiah an ti hna ti si.

PDF Minkin pawl cu an meithal an chiah i minung 57 cu khua chungah an lut ti si,ralhrang nih meithal in an hmuah hna i thli hlah uh kan in kah hna lai tiah an ti hna i an zapite an tlaih dih hna ti si,PDF Minkin minung 20 hrawng nih kannih cu kan in zul hna lai lo tiah an ti i minung 20 cu an luat ti si.

Ralhrang khawngcil bia cu kannih cu kan zum bak lo an kan hlen ko lai tiah an ti i an zulh hna lonak hi asi ti si,atu zan kha RFA nih a chimnak ahcun minung 4 an thah cang hna ati,sinain Myanmar now nih anmah PDF bia a hal i minung 47 lawng an tang minung 10 cu an thah cang hna tiah a chim.

Mithat ralhrang bia hi zeitik hmanh zumh awk asi lo,atu bantukin tlaihnak an tonmi le thah an tonmi cu anmah PDF ka mawhchiat ko hna,mah tlukin mipi an kan thah cuahmah an hmuh an theih ko nain an bia an zumhmi hna hi cu anmah ruahnak tlawm deuh ah ka chiah.

Meithal i tlaih lawng hi a za lo thluak hman chih a herh kan ruah lo piin thil pakhat a cang kho a chuak kho ti hi philh lo ding asi u meithal i tlaih in ralhrang doh kan i thawh cang hnuhnu cu kabtakpum le meithal țhenterding asi lo,zun zun pah zongah i bei ding.

Kei cu ka chim ko ka thih hnu zongah ralhrang အကြမ်းဖက် လူသတ်စစ်ကောင်စီတပ် hi cu ka zum bal hna lai lo.

Mandalay Ah Nu Pakhat Ralhrang Khawngcil Nih Meithal in An Kah I A Thi.

 Nihin 27.7.2021 ah Mandalay ah lam a zawhtu nu pakhat cu ralhrang nih meithal in an kah hna caah a nunnak a liam tiah theih asi.

Amah hi miralțha hmaisuang ah thantar i put in ralhrang duh lonak a dotu asi,lam an zawh cuahmah lio ah ralhrang pawl cu mi sawhsawh bantukin an i um ter i saihka cungin an kah hna tiah mit in a hmutu pakhat nih a chim, an kah  hna lio ah hliamhma a pumi zong an um i a thimi hi pahnih an si lai tiah an zumh.

Ralhrang nih uknak an fir in nihin ni tiangah mipi meithal in an kah hna i a thimi milu 1000 an phan cang tiah cazin țha tein le felfai tein a tialtu AAPP nih an langhter,sinain mipi nih ralhrang thahnak in a thimi hi hinak in an tam deuh lai tiah an zumh.

Salai Phun Thang Hnin CNA

Salai Phun Thang Hnin cu kawl ralhrang khawngcil he Mindat peng chung ah an i kap i ram le miphun caah a nunnak a liam hi asi, pasalțha tuk a si,minung tampi nih nunnak thap in ralhrang khawngcil kan doh ngam lo lio ah thihnak nunnak rika dirhmun ah fek tein a dirngam i ralțha tein a do ngamtu lai pasal bak asi.

Na miphun nih uoatnak nganpi kan in pek i na tantakmi chungkhar dihlak an ngaihchiatnak kan hrampi hna,nang cu na nun chungah mi vialte nih an tuah khawh lomi le an tuah ngam lomi ralțha tein miphun dawtnak nganpi he na dirngam i na tuah ngam na pasal tuk.

Na tuanbia vawlei a hmunh chung a hmun camcin lai philh na si ti lai lo,na tuanbia aa dawh tuk upatnak nganpi kan pek.

 

Pu Stephen Ni Kio Tuanbiatawi.

 Pu Stephen Ni Kio Tuanbia Tawi

A pa: Pu Bil Hmung

A nu: Pi Sang Cung

Chuah ni: 1950 Biangreithlep 8, (May 8, 1950)

A Khua: Hranhring, Hakha Peng

Chuahpi unau Pa 5 le Nu 2 lak ah upa bik a si.

A nupi: Pi Sui Cawng

Fale : Fapa 2 le Fanu 3

Cacawnnak:

- Tiphul khua, Hakha peng ah tangli tiang a kai.

- 1962 in tangnga cu Hakha Cozah Sianginn (atu Basic Education High School, No 1) ah a peh ṭhan i 1969 ah tanghra B list a awng.

Rianṭuannak:

A) Rian a tlaih mi:

- 1970 – 1971 kum chung Mandalay ah State Training College for Teachers training a kai i, 1971 in PAT rian a ṭuan.

- 1971 Zing 1 (September 1, 1971) ah Township Co-operative Office, Hakha ah Junior Auditor in a rian aa ṭhial. 

- 1981 Zing 7 (September 7, 1981) ah Senior Supervisor (Auditor) rank ah a rian a kai.

- 1974 – 1988 tiang Hakha Township People’s Council chungtel a lang (part time) a si.

- 1993 – 1994 ah Asian Institute of Liturgy and Music, Metro Manila, Quezon City, Philippines ah Professor pakhat dirhmun Lai Nunphung le Lai Laam a chim.

- 1999 – 2003 chung CCC (Atu CCU) ah a lang (part time) in Laica a chim.

- 2000 – 2003 chung CACC ah a lang (part time) in Unit IV Executive Secretary rian a rak tlai.

B) Chungtel a sinak:

- 1979 Vaute 15 (March 15, 1979) in Hakha Myone Council hruainak in tuah mi Laica Tuahtu Committee chungtel a si.

- 2002 in nihin a thih tiang CACC nih a ser mi Laica Ruatkhangtu le Laica Committee ah ruahnak petu a si.

- 2019 in nihin a thih tiang CACC nih dirh mi Linguistic Team ah chungtel a si.

- Chin – Chin Dictionary a tuah i a chuah. Kawlram chung ah mah miphun holh dictionary a tuahtu hna lakah a pathumnak a si.

- Ṭhingṭhang Magazine le Muko Magazine i Editor Bu ah chungtel a si.

C) Cauk  a chuah mi:

1. Laimi Ṭhitumning

2. Solomon Hla-iang dawh bik hna

3. Lai Phunglam

4. A Survey on Chin Festivals and Dances in Myanmar (Mirang in)

5. Chin Dictionary

6. Kan chim voi hra kan tlawn Hranhring

7. Lai Nunphung Revised & 2nd Edition

8. Lai Nunphung (Kawlholh in)

9. English-Myanmar-Chin Dictionary

10. Chin Dictionary Revised & 2nd Edition 

Pu Stephen Ni Kio cu Laica, Laiholh le Lai nunphung a duh, a tlaihchan i a dirkamtu kan pa a si. A rianṭuannak nehnang a tam hringhran ko. Kawlram nih calei ah a sang bik laksawng National Literature Award zong 2012 ah a co. 

A nun lam thluan ca ah aa tlaih mi tlaihtleng hna:

1. Ṭial le hman lo ahcun thiamhngalhnak cu a thi. Miteima cu uktu an si lai (Phut. 12:24)

2. Mah dirhmun pial lak cun mi cung ah zaangfahnak ngei duh hlah

3. Mithathu cung ah cun thluachuahnak a um lo

Pu Stephen Ni Kio A Thi.

 #Thihdaar 

Pu Stephen Ni Kio nih ruahlopi in Yangon khua, July 26, 12:20 pm hrawng ah mual a kan liamtaak.

Amah hi National Literature Award cotu a si. Laimi nih Nunphung le Caholh lei ah bochan bik mi kan pa pakhat a si. Lai (Chin) Dictionary a kan tuahpiaktu zong a si.

Cauk tampi le cabia tampi a tial mi catialthiam zong a si.

Pu Stephen Ni Kio cu Hakha Peng Hranhring khuami, Yangon ah khuasa mi a si.

Myanmar Covid-19 mithi ruak

Myanmar rampi cu Covid-19 a voithumnak nih a phak i nikhat ah mi 1000 lengmang an thi tiah sibawite nih an chim,ralhrang Min Aung Hlaing nih cun nikhat ah mi 200 hrawng an thi tiah a chim nain a lih le a hrawkhrol asi tiah mizaw a zohkhenhtu sibawite nih an chim.

Thawpeknak Oxygen cu ralhrang nih mipi mizaw pek an duh hna lo pinah rawnter zong an duh hna lo,hramhram in mipi thah dih an kan timh anmah sizung zongah mizaw kan phorh hna i luhter an duh hna lo cucaah minung mah vialte hi an thihnak asi tiah an chim chap.

 

Panglong Minthut.