Nu Le Phaisa.

zeiruang ah dah nu hi phaisa duh deuh kan lawh hnga ii a zoh sang khun mi hi kan lawh hnga ? a ho hmanh phaisa duh lo kan um  lo ii phaisa lo in nun khawh zong  a si fawn lo . nu paoh in kan zoh a sang lo ii phaisa kan mit thi dih lo minung ciocio ah kan i lo lo.

Pa zong a zoh sang mi nan um ve lai ii nu zong kan um ve a ciocio ah kan i khat lo ... nungak le tlangval a duh mi hna an i then tik ah ka theih tawn mi cu nu kha a hlan a tlangval nakin dawh deuh maw , a tha deuh maw si lo ah a mah nakin a fim deuh a ngei deuh a ton tikah pa nih a chim mi bia cu kei cu san ka tlai lo zei hmanh fim thiam nak ka ngei lo ruang ah a ka kal tak tiah lungfak ngai in kan ruah ii kan nungak le cungah lungfah nak kan ngai tawn.

A zoh sang tuk ruangah le kei nakin a tling deuh mi le a fim a thiam deuh mi a fuh a panh hna  tiah an chim tawn a ngaingai tak ah cun na nungak nih hlan tein kha bantuk mifim, mi ngei , mi dawh kha cu rak zoh seh law cu nangmah kha a rak in duh tung lai lo duhdawtnak ah fim thiam , ngeih a herh tung lo. kha  ruat loin pei nangmah theng te cu an thim cu.

A hnu an kal tak tih ah nangmah nak tha deuh a ton tikah  mit par a ngei e kha si  e cu si e cu ruangah a kal tak ti mi bia kha kan chim ngam ding zong a si lo i kan mah nak a tha deuh a ton cun kan lawmpi dingtu kan rian a si a ruang lo ah a ho hmanh nih an kan kal tak lo ii a ruang lo ah a ho hmanh nih fahnak an kan pe lo a mah ruangah ka thin lung a fak ka ngaih a chia ti hi kan ti ding a si hrim  lo nuamh nakin a hram thoktu zong nangmah na si ngaihchiat nakin a dong tartu zong nangmah na si.

A ho hmanh kan mawh chiat len ding  a si lo nangmah na nun kha i chek hmasa zei ruangah dah a kal tak ii keimah nak tha deuh a ton ti cu na fiang lai nangmah le nangmah zumhnak na rak chambau kha na fiang lai cu ruangah a kan kal taaktu sin tu ah khan i lawm law hmailei zuamnak thin lung ngei law a nih a tha deuh ee kei ka chiadeuh ruangah timi lung put ngei ti hlah


 minung cu kan ton mi thil paoh hi kan mah le  vannawltu kha a si an kal tak mi hna nu maw pa maw khi hna kha a zoh sang ruang le phaisa an duh tuk ruang ah cun  a si hrim lo an mah le an van cio tu kha si.

Biaknak Thleidan A Țha Lo.

Minung cu kan pum aa dan bangin kan ruahnak hmuhning zong i dan pah phung asi ko.sinain a bitukin khua cuanh ruang zongah a si kho. Vawlei cungah. A poi bikmi cu. Biaknak thleidannak ngeih hi asi. Kawlnih titoih puai an tuahmi cu.khrihfami hna khristmas tuah he aa lomi asi.an zumhnak ah.biapi ngaimi pakhat asi.

Nihin. Vawlei cungah a buai zungzalmi cu.biaknak zumhnak kong hi asi. Zeiruangah dah a buai zungzal tiah cun. Tleidannak he biachim holhrelnak in a chuak zungzalmi asi. Nihin Kawlram zongah. Kawlnih. Khrihfa cu an rem lo.an dohkalh zungzal ve.

Muslim zongnih khrihfa cu an doh zungzal ve. Hinih hin.khat le khat remlonak a chuahpi zungzal i. Tukdohnak a chuak zungzal. Baibal chan in nihin ni tiang an buai zungzal an i that an i nawng. Lainawnnak tiang a chuhpitu. Biaknak thleidannak hi. A mi kip thinlungah um dawh in.aum cang.

A ngaingai ahcun hihi a si awk hrim asi lo.sinain aum zungzal caah.hinih hin.zeidah bia achim tiah cun. mi thinlungah aum i a cam zungzalmi cu. kanmah keimah timi ruahnak minung hawi zeirellonak ka biaknak na biak lo ka zumhnak na zumh lo. Si kho sehlaw.an ngeihmi vialte hi keimah ta si dih  seh. timi ruahnak a thurhnawmmi duhfah hakkauh asi.

Hinih hin. Kan minung sinak duhfah hakkauhnak fiang tein a langhter. Hakha ah. Kawl titoih puai an tuah lai ti asi. Micheu nih. Hakha cu khrihfa ram asi.tuah hna hlah seh. timi an chim len. A ngaingai ahcun ziah hiti ruahnak hi kan ngeih hnga kan hmuhnak a bit caah asi deuh men lai tiah ka ruah.

An duh le tuah ko hna seh.an ram pei asi ve cu.hinih hin kan khrihfa sinak a țumchuk in a zorter hlei lai lo. Zapi kan hngalh khawh loin a țhatnak tampi aum ko. Kapkhat lawngin khua hi cuanh awk le.ruah awk a si lo. An biaknak puai cu pei asi ve cu.ziah rumro loin khen le kham kan timh hna.hi kongah. Hakha upa nih.meeting an tuah i an ceih ti hoi hna in. The Chinland post nih a țial.ziah hiti lawmmam in kan ruahnak hi a bittuk hnga.an tuah khawh ahcun lawmpi awk tu khi asi ko.

Kawlram Bama umnak. Budit khualipi. Rangon ah siseh. Mandalay ah siseh.kan khrihfa unau tampi an um tihi kan ruat in kan hngal hnga lo maw? Atu Lairam khualipi Hakha ah. Kawlnih an biaknak kong he pehtlaiin an duh ningin tuah kho loin khenkhamnak an tuah hna si cun. Kawlram pumpi ah rak piin biaknak buainak a chuak khomi asi tihi kan theih a hau.

Nihin. Rangon ah siseh. Mandalay ah siseh. Kawl miphun an tam biknak khuapi tampi ah. Khrihfami an um lonak aum lo. A tlawm deuh le a tam deuh lawnglawng an si. Khrihfami nih kan sunhsak tukmi khristmas tuah rak kan kham ve hna sehlaw zeitin kan um lai kan lung a fak hnga lo maw? Fak tuk lai cubantuk cun. Annih zong an si ve tihi kan ruah awk le kan philh lo awk asi.

Ram chiakha in a țhanglianmi kan i hngalhnak ah.kan ruahnak le kan duhnak kan khuaruahnak a rak fa tuk hringhran. Biaknak kongah.hohmanh kan i dawnhkhamh awk asi lo.zalong tein kanmah le kan zumhnak kong he aa pehtlaimi paohpaoh kanram kan vawlei cia ah kan tuah cio awk kan hman cio awk asi ko.

Malaysia sining hi.kum 12 ka um chungah ka hmuh ning an umtunning tlawmpal ka țial hmanh lai. Malaysia tampi cu miphun pathum i cawhnak asi.ramdang dangin a rami an si. phundangin chim ahcun mipemmi hna he aa cawhkalhmi an si. Kawlram cu. Ramdang in a pemmi aa cawhkalhmi kan si lo. Ram ngeitu lawngte kan si. Miphuntu tampi kan um.135 aum.

Malaysia. Ram ngeitu taktak cu. Orang Asili an si. An biaknak cu. Muslim asi. Anmah nih ram an uk an hruai. Tuluk Indian relcawklo nih an pem hnawh hna. Miphun pathum cawhhrukin khua a sami an si. Tuluk biaknak cu. Budit asi i. Indian biaknak cu. Hindu asi. Tuluk biaknak he an kalning aa khat nawn.

Biaknak pali aum. Muslim. Budit. Hindu. Khuafa tiin an si. Anmah le an biaknak kong he pehtlaiin puai an ngei zungzal an tuah zungzal. Ram ngeitu. Orang Asili nih.ziah kanmah ram asi.nanmah cu mipem nan si. Nan biaknak he pehtlaiin zeihmanh nan tuah kholo tiin an khenkham hna lo.zalong tein an tuahter ko hna.

Hiti hei ruah ahcun. Kawlram sining in chim ahcun an tuah kho bak hnga lo ticu a fiang ko.zeicahtiah atu Kawlram chungah.kanmah khrihfami hna nih. Hakha titoih puai an tuah tawnmi. Budit kan rem hna lo ning le kan chim rel ceih a tam ning ruah tikah.kan ruahnak a bit kauh van le vawlei in a thlau ning a lang.hmuh khawh asi.

Zeitin dah kan țhancho khawh hrim hnga kan hmuhnak pei a bit tuk cu. Chawleh chawhrawl mit in thiamsang tampi nih an chimmi cu. Khua ram țhangcho seh.ti kan duh ahcun. Minung tampi  um a hau an ti. Zeibantukin ram uktu hruaitu țha hmanh sehlaw. A chung minung an tlawm tuk ahcun. A țhancho khawh tlukin a țhangcho kho lo an ti.

Khua. Ram A țhangcho maw țhangcho lo timi cu a minung tlawmtam in tah asi. Cucu hei ruat law na fiang ko lai. Lairam khuapi tampi ah khin. Kawl an si zongah. Ramdangmi an si zongah. Mirum pawlnih inn thatha Hotel mangtara pipi sa hna sehlaw zeitlukin khua le ram a dawhter lai i.rian zong zeitlukin a tam lai. Malaysia i inn ngan pipi dot 50 dot 60 kan hmuhmi hna khi anmah nih an sakmi asi lo. Ramdang mirum pawlnih an sakmi lawngte asi.

Malaysia cozah nih thlakhat cuzat tiin. Rm an liamter hna. Malaysia a sung hrimhrim lo.a miak lehlam. Rian tampi an chuahpi thlahlawh tam pipi an pek hna. Zeitlukin dah mipi ca tiangin a țhat. Kannih. Lairam chungah. Mirum pawlnih inn sak an timh ah kan sianh hna lo. Kan kham hna. Sa hna sehlaw khua ram aa dawh lai timi zong kan ruat kho lo.rian zong tampi an chuahpi lai ti zong kan ruat kho lo. Phungthluk i. Rum lung awng.paam lung ping timi kan chuak.

Thleidannak thinlung kan ngei tuk deuh. A bi tuk lawngin khua hi ruah awk le tuaktan awk asi lo. Nihin ah.thleidannak kan ngeih tuk ruangah. Hakha le. Falam rian kan tuanți kho lo. Tedim le. Hakha bia kan i ruah kho ti lo. Kan lakah thleidannak nih a kan dan tuk cang. Senthang. Mara. Lautu. Zotung le. hmanh kan lung aa khat kho ti lo.

Kanmah. Laimi chung hmanh kan lung aa rual kho ti lo.zeicahdah asi zeiruangah asi. Thleidannak kan ngeih ruangah asi ko lo maw? Hi bantuk lungput hi kan thlau le kan hlonh taak a hau cang. 

Hodah A Palh! Hodah A Dik!

Voikhat cu.bia alnak aum i.cu an bia alnak cu hitihin asi.
Theitu nih.aa thawh i. Nifatin in.theihnak tampi ka ngei. Mi thangchiatnak mi kong ceihnak. Mi mualphohnak. Thlichia  tilet thawng. Duhdawtnak zawnruahnak țhatnak.mi ngaihthiamnak. Dawtnak a tlummi aw a almi aw a țap aihrammi aw ka theihmi hna hi.an tam tuk hmurka in chim khawh asi lo ati.

Hmutu.nih aa thawh ve i. Nifatin in ka hmuhmi hna hi. A tam hringhran. Khua le ram. Thingkung rampar.a chia a țha aa dawh.dawh lo.a hme angan.afim a hrut.aa nuammi a țap liomi.ani cuahmah mi.a tli a le cuahmah mi.tangka suingun.thilpuan țhațha le eidin vialte ka hmuhmi hna hi.chim cawk a si lo. ca in. Țial sisehlaw catlap nih a daih lai lo ati.

Tuahtu nih.aa thawh ve i. Nifatin in ka tuahmi hna kong hi.chim ahcun a dong ti lai lo.ka tuahmi hna hi a tam tuk. Rian ka țuan. Rianțuan hmanh ah.a phun tam tuk. Ti ka than rawl a chuang.lo ka thlo mawtaw ka mong. Saikel ka mong. A caan ah.mi ka vel pah.a caan ah.mi thi ka chuah.a caan ah. Mi sam ka hnuk.a caan ah. Mi thil ka fir.Ka tuahmi hna hi.chim cawk asi lo.a tam tuk ati.



Ruattu nih.aa thawh ve țhan i.ka ruahmi hna hi. Ni khat chung hmanh ca in.țial sisehlaw adohdah a țial cawk hnga.a tam hringhran. Ruah awk thil a hungchuah paoh ah. Dinhmui hmu loin ka ruat.a caan ah.mithi inn ah ka leng a caan ah. Sa ka zawh.a caan ah.khua ah ka um.a caan ah.khual ka tlawng.a caan ah. Tlakrawh innpi chungah kaa zel luaimai.a caan ah. Tangka tom he ka vak.a caan ah. Sifak eiawk ngeilo sinah.ka thangka ka țhanh hna.a caan. Bawi ka si.a caan ah. Sifak taktak ka si hoi.a caan ah. Nungak dawhte he lam ka leng.a caan ah. Nupi ka ngei.a caan ah. Lakphak ka ding.a phunphun ka tuah lomi aum lo.ka tlinh cikcek ati.


Kaltu nih.aa thawh ve i.khuazungza ka kal.ka kal lonak um lo. Khual ah ka kal.khua tampi ka tan.ngaihchiatnak ah ka kal lunglawmhnak ah ka kal puaiah ka kal. Zun inn ah ka kal.nuamhnak phunphun hmunah ka kal.ka kalnak hi. Chim cawk awk a si lo.tam tuk asi ve.

Pum pakhat chungah aummi țengnge hna nih an hmuh an tonmi cio an chim tikah.a ho cem hi dah a palh. Hodah a dik. biapi bik asi timi bia halnak asi.

Dawtnak

Dawtnak Vialte Lakah. A Sang Bik Mi Pathian Dawtnak.

Genesis 1:27 cuticun Pathian nih.Minung cu amah mui lo in a ser hna. Thluachuah a pek hna i tefa tam piin ngei u law nan tefa cu vawlei cung khuazakip ah khat  hna seh ati.

Minung cu Pathian nih amah mui lo in sermi asi. A ser tikah ser sawhsawh in a ser lo.amah thangțhattu dingah le amah sin i kirțhan dingah a ser. Vawlei a nun chungah. Harnak sifah retheih tuar lai a siang lo. A dawt hna. thluachuah tampi a pek hna.

Luka 2:7 puan in a zual i caw rawl einak kuang chungah khan a thlim. Riahnak khualbuk ah khan an caah hmun a um lo. Jesuh khrih achuah lai hi. Hilio mifim thiamsang tampi nih an hngah hlang tukmi asi. A ho hrinsor chungin dah a chuah lai. Mi sawhsawh sinin cun asi lai lo tiah an zumh.sinain a chuah taktak tikah. An i ruah bantuk kha si loin. Mizeihmanh an chuah bal lonak caw rawl einak kuang chungah asi. A ngaktu nih an nganh.

Ka sermi hna minung hi anmah tein cun khamhnak a co kho phun an si lo caah ati. A sangbik van in.a niam bik sinak aa thim. Zeibantuk sifak le santlai lo hmanh caw rawl einak kuang chungah a chuakmi an um bal lo. Cunihcun sifak santlai lo.a dawtnak a fianter khun.

Cu lawng a si rih lo. Kum 30 a hung tlin bakin. Khamhnak thawngțha cu. A duhlotu a ral hna sinah a chim. An zumh khawh nakhnga. Mizaw a dam kho ti lomi a damter hna. Thinghmui zawtnak a damter mithi a thawhter khuachia a țhawl a zummi hna caah cun. An i lawmhnak an hmurka in an chim kho lo.asinain a zum duh lo an tampi  ve.

Cuticun amah a raltu a dohtu hna nih.an rem lo a fakchin. zeitin dah kan thah khawh lai timi lawnglawng an kawl cang. Mi khamhtu asi kha an hngal lo.Luka 18:33 fung in an ka tuk lai an ka thah lai. Sihmanhsehlaw ni thum ni ah nunnak ah ka tho țhan lai tiah a zultu kha a chimh hna.

Cuticun an tlaih lai i an thah lainak a hnubik a chimh dih hna hnuin. Minung asi ve bantukin a celh ve hrim lo. Chung si vangin aum. Luka 22:39 a zultu hna kha bia a cah taak hna. Tukforhnak chungah nan tlak sual nakhnga lo thlacam tuah u ati hna. Cun an sin khan. Lungchep tluk a va kal i a khuk aa bil i thla a cam.

Luka 22:42-44 "“Ka Pa, na hna a tlak ahcun hi hrai hi ka ṭhialpiak ko. Sihmanhsehlaw keimah nawl si loin nangmah nawl si ko seh,” tiah a ti. " Vancung in vancungmi pakhat a sinah a rung lang i a rung hnemh. Lungthin fak ngaingai in fak chinchin in thla a cam i a thlan cu vawlei ah thi dor bantukin a tla.

Luka 22:45-46 "A thlacamnak cun a tho i a zultu hna sinah khan a va kir i an rak i hngilh kha a hmuh hna, an lungre a theih tuk ah an ba dih. "

Amah nih a zultu dingah. Minung 12 athim hna. Cu hna nih cun. Chun zan in. an zulh tawn. Cu tukin. Pathian a sinak. Tette tampi a tuah a ser ko nain. Zungzal a nungmi Pathian asi ti a fiang a theih kho lo a zum kho lomi pakhat aum cu nih cun. Jesuh cu hnamh awkah a hun fuh. Jesuh nih a thawh i. Judas. Mi Fapa hi hnamh in maw na rawi ko lai tiah ati. Cuticun. Jesuh cu an tlaih i tlangbawi ngan inn ah cun an kalpi.

Cuticun. Jesuh nih a zultu hna sinah a chim chungmi cu a hung tling. Jesuh cu an nihsawh  fung in an tuk. An cil an chak i.a thihnak ding vailam tung kha an putter. Biaceihtu khawngsil hmaiah an chuahpi a sualnak an kawl len nain an  hmu lo. Pilat nih. Hi pa hi a sualnak zeihmanh ka hmu lo ati.

Sihmanhsehlaw vailam ah an khenh chih a thisen vawlei mi sualnak cu.thianhpiak kan si.a kan dawtnak cu. Minung hmurka nih chim len zongah a daih lo. Hi tluk tiangin a kan dawtu Pathian dawtnak kong hi na ruat bal maw? Na fiang cang maw? A lawmh tah naa lawm maw. Bawipa sinah. Lawmh biachim kan philh sual maw?

Dawtnak vialte lakah. Pathian dawtnak tlukin a thukmi le. a sangmi aum ti lo. A zungzal in. Pathian cu. Thangțhat si ko seh.#Amen

Khamhnak A Tlau Kho Lo A Timi Hna Nih.Rel Awk

Khamhnak a tlau kho lo. Zeibantuk kan sual kan palh ko zongah. Vanram kan kai dih lai tiah a zum i pommi. Rev. Hoi Cung Tum. Aung Mynth Thang nih fak piin an chim an țial ka hmuh. Mahle zumhnak pomning a si caah.keinih cun khamhnak cu a tlau kho ko tiah. Baibal zohchih in.tawite ka vun țial.

Even. Rual Uk nih.khamhnak a tlau kho lo. Zeibantuk kan sual kan palh ko zongah vanram kan kai dih lai timi a rak chim ka ah. Mi nupi cung. bawh zongah a sual lo tinak asi tiin mitampi kaa in ka theih tawn. Mi nupi cung bawh zong i. Vanram kai asi ko ahcun.ziah. nihin ah. Pastor um zong a hauh țung lo. Biakinn ah. I pumh le thlacam le. Cheuhra cheukhat pek te hna zong ngol zokzok pei a hauh kun lai ti timi a ruat an tampi.

Khamhnak a tlau khawh tilo ahcun. Ziah. Thawngțha hi an chim peng kun hnga? Ziah dai tein an nupi le an fale he. Hnangam ten an um ko kun hnga lo. Ziah. Pathian bia cu manh lo ngaiin an aupi kun hnga khamhnak a tlau kho lo timi an chimmi hi. an kan dehnak asi hnga maw?

Matthai 26:24-25 "Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga,” tiah a ti. " "Leitu Judas nih khan a hun i thawh i, “Saya, keimah na ka ti duhnak cu a si i mei?” tiah a hal. Jesuh nih cun, “Na chim ko cu ta,” tiah a leh."

Hi baibal cacang kan zoh tikah. Amah Jesuh hrimhrim nih.a zultu ah a kawh a auhmi asi. A zultu hna kha nanmah nih nan ka thim lo.keimah nih kan thim hna tiah ati hna. Ziah amah Jesuh nih. A zultu dingah a thim a kawhmi asi ko nain. A nu paw chungin chuak loin rak um sehlaw a caah a țha deuh ati kun.

A fiangmi cu. Mizei kan si hmanh ah. Sualnak palhnak țhaț lonak nifatin tuah ko bu in cun. Vanram kaikhawh asi lo timi hmuh khawh asi. Khamhnak cu. Mi vialte caah asi.asinain.a zum i. Zumhnak fek tein a nungmi hna ca lawngah asi. Khamhnak a tlau kho lo timi cu. A dik lomi cawnpiaknak asi. Sodom khuapi zong kha an sual tuk caah. Mei alh in a thah dih ko hna. An sual ruangah ti asi ko khah. Ziah asi kun?


Galati 6:7-8 Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai. "A pumsa duhnak lo ah a tuh ahcun, thihnak kha a zun lai; Thlarau lo ah a tuh ahcun, Thlarau nih zungzal nunnak kha a pek lai. "


A fiang tuk ko lo maw? A ho nih dah facang buh ei a duh nain. Facang chuak seh tiah. Fangvoi a tuh bal. Facang buh ei kan duh ahcun. Facang mu bak kha tuh a haumi asi.Luka 16:22-23 Misifakpa cu a thi i vancungmi nih vancung puai tuahnak ah khan an zuanpi i Abraham pawngah khan an ṭhutter. Mirumpa zong cu a thi ve i an vui. Mirumpa cu Hell chungah a tla i nganfak ngaiin a um; cunglei hi a hun zoh i lamhlapi ah khin Abraham le a pawng i Lazaruh kha a hun hmuh hna. Ziah khamhnak a tlau khawh lo ah. Mirumpa hi. Hell ah a tlak kun.?

Luka 19:9 Jesuh nih a thawh i. Nihin ah hi inn ah khamhnak a phan, hi pa zong hi Abaraham tefa asi ve. Ati. Zakia hi. Jesuh he an i ton hlanah thi sehlaw vanram a kai lai lo ti a fiang. Zeicatiah. Jesuh a chimmi in a fiang ko.

Baibal ah tampi chimding a um.mah vial cun za rih seh.

Fimnak.Thluak In. Pathian Kawl aa Timmi Hna Ralrin Peknak

Pu Aung Myint Thang nih.nihin ah. Profet aum ti lo. a dih a dong dih cang. An biachimmi zong a dih a dong dih cang. Nihin ah.tuah awk chim awk pakhat hmanh aum ti lo tiah atu le atu. Global rawn chin.fb group ah.a chim lengmang amah hi an chimnak ah.kum 27 Pastor a țuan cangmi a si pinah. Rev. Zong asi an ti. Mitampi Pathian biathiang Baibal i tlaih riangmang in. Hlen a timhmi hna ka hmuh tikah.ka lungah a hungchuakmi cu. Ziah mah tluk lawmmam hin. Pathian rian a țuannak zong a sau ko cang nain. Baibal thiang Pathian bia hi.duh paoh in a chim hnga? tiah ka khuaruah a ka har ter ngaingai.

A duh lomi hna ati hram hna nak asi hnga maw ?si loin. A fian lo bia dah a si ko hnga tiah fak piin khua ka ruat. Kei hi. Rev. Cu chim hlah Pastor zong ka si lo. Evan zong ka si lo. Nikhat taktak hmanh Baibal a cawng bak lomi ka si. Sinain. Kan pa le thawngin. Thihnak nih a teikhawh lomi Pathian bia cu. Laica tein an kan țialpiak tikah. Keimah tein caan ka ngeih caan te ah ka rel tawn i. Pathian nih fiannak a ka pek ka ti ko lai ta. Baibal nih hin ka lung a ka buaiter hrimhrim lo.ka fiang ngaingai.

Mah belte.kan zumhnak hi biapi a si ve caah kan hman lo zazat kan hmanmi zazat asi. Sinain Baibal cu. Pathian bia a si caah. Kan zumhnak he aa kaih lo tiin. Pom lo ka ngei lo. Hi pa zongnih hin. A zumhnak nih a pom lomi a si ruangah a diklo ningin. A chimmi asi ko lai ziah ka zumh.

Theih awk țha a simi cu. Baibal cu a dihlak in. Pathian bia a si caah. A cheu pom i a cheu pom lo cu. Zumlotu he kan i dannak aum lo ti khawh asi. Si lo le zumtu deu kan si tinak asi. Hi pa zongnih. A cheu a pom i a cheu a pom lomi hi. Zumlotu he an i khat bak asi.

Nihin ah. Profet bia.pakhat hmanh chim awk tuah awk a um ti lo.a chan a dih cang.a dong cang atimi hrim hi. Zeitlukin dah. Zumhnak lei ah. Ngakchia a si rih timi fiang tukin a lang.

Baibal cu.kap hnih har vainam bantuk asi. Țih a nung. A tlaihnak in.țha ten tlaih lo ahcun. Molhnak tiang zong mi a pe kho. Harnak fahnak zong mi a pe kho. Baibal cacang pakhat kha. I tlaih peng ahcun. Lam a tlaumi sinak asi kho. A tang Baibal hi kan zoh hmanh lai.zeitlukin dah țih a nun.

Biathlam 22:18-21 "Keimah Johan nih hi cauk chung i aa ṭialmi profet bia a theimi paoh kha ralrinnak kan pek hna: hi bia ah ahohmanh nih bia dang a chap ahcun, hi cauk chungah aa ṭialmi hremnak kha a dantatnak ah Pathian nih a chap lai. "

"Cun hi cauk chung i aa ṭialmi profet bia kha azeihmanh a hlawmi cu, hi cauk chungah aa ṭialmi nunnak thingkung theitlai a co hnga ding le Khua Thiang chung i um venak a co hnga ding cu Pathian nih a lakpiak lai. "

"Hi thil vialte hi ahmaan dih tiah tehte a khaangtu nih, “Tuan ah ka ra hrimhrim lai,” a ti. Cu bantuk cun si ko seh. Bawipa Jesuh, ra ko cang! " Nan dihlak cungah Bawipa Jesuh vel cu um ko seh. Amen.

Khah mah hi asi ko. Hi Baibal cacang hi. Aung Myint Thang nih hin a rel bal hnga lo maw? A rel ko nain a tuah hramhram dah asi. Nihin ah. Profet nih an chimmi a dih a dong dih cang. Zeihmanh chim awk tuah awk aum ti lo. A timi cu. Ruat cio hmanh u. A caah zeitluk țih nung dah asi.

A fimnak a thiamnak in. Pathian bia duh paoh in ka lehthal lai timi lungput le. Hrilhfiah a timhmi nih. Zeibantuk in dah. Pathian thin a hunter lai timi ruah loawk a țha lo. Ngaichia ngaingai asi.

Biakilhnak. Vawleicung mifim thiamsang. Mizeihmanh nih. Amah duhin Pathian bia. Baibal cathiang cu.a chim ngam lo i.zumlotu hmanh nih an duh paoh in. A chim an rel ngam lo.zeicaahtiah. Pathian bia asi ti kha an theih i an fian caah asi.

Bupi Le Baibal Thawhkehnak.

BUPI LE BIBLE THAWHKEHNAK

Nihin ni ah kan Lai mi media (News) tialtu cheukhat nih online in RC thangchiatnak le kan zumhnak le kan biaknak hi ralchan in an tial lengmang tikah Catholic zumtu khrihfa tampi nih an thinghun aipuan in Comment an pek ve mi hna kan hmuh tikah thinglun cu a nuam kho hrim lo. Comment chungah catialtu nih RC pawl hi Baible nan rel lo maw? tiin (question) biahalnak te hna an vun leh hna tikah a chimhnak le a lehnak an theih tawn tilo mi ka hmuh tikah ka thinglun chungah a nuam kho ve hrim lo.

Cu si caah  a theih rih lo mi kan hoi protestant pawl hna zonghi Baible hi Bupi nih a tuah mi si i mah Baible in Bupi hi nan do awk si lo tiin theih fiannak kan tuah khawhnak hnga le kanmah hrimhrim zong nih Baible hi Bupi nih a tuah i Baible tiah min a rak pek mi si ti hi theih fiannak caah ka rak tial duhmi si i ka palhnak um ah cun comment in ka bawm hram cio ko u law a sau pah i lungsau tein kan rel piak hram ko u tiah nawl hmasa kan duh hna.

Bupi thawhkehnak

    Bupi cu AD 33 ah Jesu khrih hrimhrim nih a dirh tak mi Bu a si “Cu caah cun nang cu lungtum peter ti na si. Hi lung cungah ka khrihfa Bu ka bunh lai i, cucu thihnak hmanh nih a tei kho lai lo” (Mt, 16:18 ) tiah Peter sin ah khan fian tein a rak chim tak cang.

 Khrih nih a dirh takmi Bu cu penticost ni ah Thiang Thlarau kha an hmu cio hna AD 68 kum ah Antioch khua ah khrihfa tiah a hmasa bik min an rak sak. Barnabas le paul zong kumkhat chung cu khrihfa hna he an nih pum i thawngtha kha an rak chim ve hna. Lamkaltu hna zong Antioch khua ah cun khrih hnu zulh tu pawl khrihfa tiah min sak le auh an rak si. Lam, 11:26

 AD 107 kum ah Antioch khua ah a tuan mi Bishop St.Ignatius nih khrih cu vawlei mi dihlak caah a thih bantuk in khrihfa Bu zawnghi mi vialte caah a si tinak in Catholic tiah min a sak. Catholic ti mi biafang hi Greek holh Katholicos in a ra mi a si i mirang holh in (universal) zaapi he a petlaihmi tinak sullam a si.

AD 325 Nicaea Bishop conference meetingpi ah zumhnak hlei hnih chungah a tel mi, St.Mathew chim ningin (A thiangmi Catholic Bupi ka zumh) timi hi an zapi hnatlahnak he (Atipioh) fehter a rak si.

Baibal ca thawhkehnak

 Baibal  cauk  cu  Biakam Hlun le Biakam Thar ti in then hnih ah then a si. Biakam Hlun cu Bawi Jesuh chuah hlan ah Israel miphun hna nih Pathian bia thiang tiah an rak hman mi a si. Biakam Hlun cu then hnih ah an then than: Hebrew le Greek holh in tialmi tiin. Hebrew holh  in  tialmi  cu  uk  39  a  um  i, Greek holh in tialmi ah uk 46 a um. Catholic Bupi nih Greek holh in tial mi kha Baibal Thiang tiah a pawm i kum 1500 chung a rak hman cang. Protestant  Reformer  pawl  nih Hebrew holh in tialmi lawng kha Baibal  Thiang  ah  an  pawm  i Catholic Bupi nih a rak hman mi uk 7 kha an rak hlawt. Biakam  Thar  cauk  ahcun uk 27 a um i Protestant le Catholic Bupi  kaphnih  in  Pathian  bia  tiah pawm cio a si.
Aho nih dah Baibal Thiang hi Pathian bia taktak a si tiah a rak ti?

A ngaite ahcun Biakam Hlun cu Israel miphun tuanbia ah Pathian aa phuannak a si i nawlbia, tuanbia, hla le profet hna le fimchimhnak cauk  hna  tiah  then  a  si.    Hmasa ahcun Hebrew holh in an rak tial hmasa, sihmansehlaw Greek chan a hung chuak i Greek holh kha mi tampi  hman  mi  a  vun  si  tikah, Hebrew holh in tialmi ca thiang hna kha  mifim  sawmsarih  nih  Greek holh in an vun leh. Cun Greek chan chung i Judah mi an tuanbia le an nuncan  kong  an  tialmi  zong  kha Greek  holh  in  an  rak  tial  i  mah ruangah Greek holh in tial mi hi a hung tam deuh. Atu ah “Apocrypha” hlawt mi baibal ti mi kha kan theih leng mang. Protestant pawl nih Biakam Hlun chung i cauk 7 kha hlawtmi Baibal  tiah  an  pawm  i  Catholic Bupi  caah  cun  Biakam  Hlun  le Biakam Thar an rak khawmh lio i an  hlawt  mi  kha  “Apocrypha” hlawtmi  cauk  a  rak  si.

 Biakam Hlun chan i an rak tialmi zong khan a hlawtmi a rak um i, Biakam Thar chan i tialmi zong khan hlawtmi a rak ngei. Tahchunhnak ah Biakam Hlun  ah  Enoch  kong,  Hebrew cakuat  hmanh  ah  a  um  kha.  Cun Biakam Thar  chan  ah  St.  James Thawngtha  le  Barnabas  tialmi  ti bantuk hna kha tampi a um. Biakam  Hlun  cu  Moses thawkin  Bawi  Jesuh  chuah  hlan karlak tialmi an si i, Biakam Thar cu AD 42 le 100 karlak tialmi an si. Mah caan chung i an tialmi cauk liangluang  chungin  Baibal  thiam miding  mithiang  hna  zuamnak thawngin Pathian bia a si le si lo mi ti in an rak thim i Pope Damasus nih AD 397 ah atu kan ngeihmi hna hi Pathian Bia an si, Baibal Thiang a si tiah a rak fehter i Baibal Cauk ngeih ah kan cang. Baibal cu Bupi a zumhnak cauk ah a hung cang.

AD 397 ah Pope Damasus nih Baible tiah min a rak pek lio ah khan relnak a ngan le a hme kha then rak si rih lo i AD 1528 kum ah Italy ram mi Fr. Parguni nih a hme relnak number hi a rak tuah i AD 1557 ah Robert Ethiene nih a ngan le a hme relnak nambat (Chapter & Verse) timi hi a rak then.

Careltu dih lak nan cungah lawmhnak he : Bawipa nih thluachuah in pek cio ko hna seh.