Nunnak Pek In Doh.

 Nunnak Pek In Sual Doh

Sualnak nih a chuahtermi theitlai hna hi tih a nung ngaimi an si. Sualnak a thatloning cu pumpak ca lawng hmanh si loin innchungkhar le miphunpi tiangin ningzahnak le sifahnak a phunphun a chuahter. Sualnak cu zei miphun paoh caah ningzahnak a si (Phut 14:34b). Pathian ngaihchiatnak le thinhunnak tiangin a chuahter i Pathian he i thennak i ralnak a chuahter fawn caah sualnak tuah hi tih a nung taktakmi a si. Sualnak kan tuah ruangah kan pumsa nunnak le kan thlarau tiang a thah i pin ah fanu tha fapa tha, nupi tha pasal tha hna le Pathian thluachuah vawlei chawva rumnak, minthannak le fimthiamnak vialte hna zong a kan sunghtertu a si. Cucaah sualnak hi kan pumpak in, kan chungkhar in, kan khrihfabu in, kan khua le kan ram tiangin kan doh dingmi kan ral lianngan a si. Rom 8:13 ah, sualnak nan tuahmi kha Thlarau in nan thah ahcun nan nung lai a ti. Kain sin zongah Pathian nih sualnak nih nangmah kha uk an duh asinain nangmah nih na tei awk a si a ti. Sualnak hi thawng ko hmanh seh law Thlarau thawnnak in kan tei khawhmi a si. 

Zeiruang ah dah a hrinthar cangmi hna nih sualnak ah an tluk than lengmang ti ahcun sualnak an doh lo caah a si. Minung cu kan tling lo timi bia hi sualnak tanhnak bia ah a cang khomi a si caah kan tling lo ti kan i hngalh ko bu ah Khrih ah mitling kan si cang ti kha kan i hngalh peng i sualnak a tuah ding kan si ti lo tiah kanmah le kanmah kha kan i ti peng a herh. Zumlotu hna nih sualnak cu an tei kho lai lo nain Zumtu hna nih cun fawite in kan tei khawh ko.  

Zeicahtiah Khrih thisen thawnnak kha kan chungah a um cang caah a si. Cucaah a hrinthar cangmi hna nih Bawipa cu kan teinak a si tiah kan tinak cu a si. Sualnak nan dohnak ah hin thihnak tiang ngaingai cu nan ing rih lo (Hebru 12:4 ) tiah a timi hi ruahawk ah a phu ngaingai. A hrinthar cangmi hna nih zu dinnak, sii thalo hmannak le a dangdang sual tuahnak ah an tluk tikah minung cu a tlamtling lomi pei kan si cu tiah a ti peng ah cun sualnak nih a thah ko lai. Asinain Khrih thisen thawnnak in a doh ahcun sualnak cu a tei ko lai; zeicahtiah Khrih thisen cu kan sual thiannak a si.  

Binnabia ah, zu ding loin a um ahcun a thi colh dingmi pa nih" Khrih thisen in thianh cangmi ka si tung zu nih a ka tei awk a si tung lo" tiah a ti i aa sum tialmalnak ah a nunnak a liam ahcun sual dohnak ruangah a nunnak a liam kha nunnak pek in sualnak a tei kha a si. Khrihfa mi hna cu Thlarau nunnak kan ngeih cang hnu zongah sual thurhnawmnak doh pah cuahmah in a thi dingmi kan si.

Tuphaw Aih In Tusa Ei Hmang

 Tuphaw I Aih in Tusa Ei Hmang.

Thawngţha chimtu nih an kan chimh tawn mah le miphun khrihfabu chungah a phunphun duhnak rungah mah le miphun ciacia kha a phunphun in țhencheunak khua a khangtu le mah le miphun thisa ei a hmangmi kan um mah bantuk minung cu hmunhma pe hna hlah u Khrihfa lungput a si lo țih a nung an ti.

Atu lio ralhrang kan dohnak ah hmuh ding an hung lang pah hna hi bantuk ruahnak țhalo a ngeimi hna hi fak piin kan doh cio awk a si i kan zulh dawi hna  awk asi lo, a tu lio cu kanram kan miphun nih ralhrang kut in kan luat khawh nakhnga caah nunnak pek in kan cawlcangh liopi asi ti hi kan dihlak nih kan theih a herh.

Fak piin kan i ralrin awk a simi cu mi bia kip hi kan  zumh awk le kan share chin lo ding a biapi tuk kanmah tein mizapi theih awk ah share awk asi maw buainak hnahnawhnak a chuahpi kho mi a si maw si lo  ti hi  ţha tein kan ruah ta hmasa awk asi,

Mițhalo nih atu bantuk buai lio caan hi caanțha ah i lak zau in Tuphaw I Aih riangmang In Tusa Ei a hmangmi an um ti hi kan dihlak nih thei hna usilaw ralring tein um hna usih mi bia kip hi i zumh hna hlah usih miphun chungah țhencheunak rap chiah a hmangmi le mah le miphun cungah thisen khat a simi kha thisen țhencheutu an um ti hi thei zungzal hna usih.

Atu lio i kan miphun kan i funtom khawh lo ahcun zeitik hmanh ah kan i funtom kho ti lai lo atu hi lungkhat tein kan dir khawh nakhnga caah caanţha bik le kan lung aa rualnakding caah caanțha bik asi, vawlei cungin kan tah si cun chungkhar pakhat Nu hrin khat   kan si.

A hohmanh nih kan Chinland chungah rap chia hlah usih miphun leirawitu um hlah usih Tupaw i aih ter riangmang in Tusa ei a hmangmi um hlah usih i daw usih i ngaithiam hna usih i theithiam hna usih lungrual tein um hna usih kan Chinland caah minung pakhat cio hi suttung bang bochanmi lawngte nan si.

CDF Thantlang Cathanh.

 Mah kong hi Laimi dihlak nih kan theih dih cangmi asi ka hmuhning tlawmpal in ka vun țial ve ta lai.

CDF Thantlang nih cathanh an chuah hlanah Salai Lungthli Tum timi pa nih  fb ah a țialmi tlawmpal in ka chim ta lai zeicahtiah amah ruangah Mara zong an thinlung a fak i cathanh zong ramchung le ramleng nih voihnih khengte an chuah an chuahmi zong țha tein ka rel i an lungfaknak le an thinhunnak lawngte hmuh asi tikah Lungthli Tum nih CDF Thantlang rap a chiahm hna cu mipi zong nih an zumh caah thilțhalo taktak asi.

Lungthli Tum timi pa nih CDF Thantlang nih Mara pa sualnak ngeilo an thah tiah a țial Mara pa a si ruangah maw an thah timi biahal ka duh ngaingai nain comment kholoin a ka phih caah ka comment kholo.

Mi pakhat an thah ruangah Mara pa an thah timi kha țial a herh lo, Mara pa a si ruangah an thahmi asi lo ti kha theih a hau, lungthli tum timi pa nih CDF Thantlang cu rap a chiah hnawh hna timi fiang tèin hmuh khawh asi,zeicahtiah amah min țial ko lo in Mara pa a ti caah pengtleng min a langhtermi nih CDF Thantlang a huatnak hna le rap a chiah hnawh hna timi fiang tein a lang.

Amah cațialmi ruangah Mara an thinlung a fak i cathanh an chuah hi asi,mi pakhat kha an thah si zongah bu pakhat nih a za tiin an tuahmi kha a hmaan ah si seh a hmaan lo ah si seh mi sawhsawh nih an kong ceihnak nawl kan ngeilo i ceih phung zong asi lo cucaah hitin an kong a ceihmi hna hi CDF Thantlang rap a chiah hna timi cu al awk um lo asi.

CDF Thantlang zong an thin a hung te lai i lungthli tum timi pa hi an zoh sawhsawh te lai lo zeicahtiah buainak hram a thoktu asi caah zoh sawh awk cu a țha bak lo, ralhrang kan doh lio a si caah thil hi tampi ruah a herh i a ho kan unau kan nu pa an si zongah hi cu tiah an ti i CDF nih an tlaih hna ah si seh an thah hna ah siseh lungfah awk a si lai lo a ruang cu CDF cu zulhphung ţha tein a ngeimi an si an duhpaoh in thil a tuahmi an si lo.

A bi tukmi ruahnak pengtlang țanh in cațiak le kal timi hi zeitik hmnah ah tha ka pe bal lo, a puitlingmi tuahnak lungput hrim a si lo, mi pakhat ruangah pengtlang tiangin lungfah i cathanh chuah timi hi kan lungput a tetnau tuk caah asi.

Kawlrawn ahcun ni fatin in dalan si seh ralhrang sinah rian a țuanmi hna cu a ho an si zongah thah thluahmah an si ko,a ruang cu mithah an duh rungah asi lo,mithah kha zei an rello caah a si lo ralhrang sinah a țang i an rian a țuanpiakmi hna cu ralhrang he an i dannak aum lo caah asi.

Khuabawi pawl le dalan minung 450 an thah cang hna sinain a hohmanh an buai lo kanmah pengtlang asi tiin an i au kanh lo an i dirpi lò an ruahnak a kau an hmuhmi a tam caah kan tluk kho bal lo,miphunte le miphunpi kan i dannak cu kan lungput ah a lang.

Laimi kan lungput hi kan i thlen hrimhrim a hau cang kan lungput a tenau tuk.

Thantlang Ah Ralhrang nih Minung Pahnih Meithal In An Kah Hna An Thi.

Date.29.9.2021 zanlei 6.30pm ah Thantlang khuami minung panga cu Hakha in Thantlang ah an rak kir lei ah Thantlang ralhrang nih meithal in an kah hna caah Pu Ral Tu a nunnak a liam.

Mawtaw chungah minung panga an to i a hawile a dang cu an zam manh tiah theih asi,sinain nihin ah Pu Hram Cung  zong a thi ve tiah theih asi.

SAC ralkap kut in mual a liam mi Pu Ral Tu Lian le Pu Hram Cung ruak tlamtling tein an vui cang hna

September 29 zaanlei, Thantlang khua luhka ah SAC ralkap nih meithal in an kahthah mi hna Pu Ral Tu Lian (kum 77) le Pu Hram Cung (kum 59) an ruak cu tlamtling tein vui an si cang, tiah kan theih.

Hi kong ah Hakha Township Public Healthcare & IDPs Management Committee nih a tanglei bantuk in a tial.

1. Hakha in motor 14 in minung 40 fai nih Thantlang kan pale ruak kan va fim hna. Thantlang kan phak tiang an motor cungah fimhlawm lo tein an ruak a rak um. Thinlung afak tuk ko nain upatnak sangbik pek buin an ruak kan fim khawh hna caah kan lung a tling. 

2. Rev Dr Za Khar (HBA President) nih, "Hremnak innak khua Jerusalem zaam tak a tim tu Peter nih lam ah Jesuh he an i ton tik ah Jerusalem lei ah a kir than i dinnak rian a tuan buin Jerusalem ah vailam cung biktaling tlainak in nunnak a pek," tiah Pathian bia a kan hrawmhmi nih kan lung a thawnter ngaingai.

3. Rev Chan Peng Hmung (HBA GS) nih kan pale upat peknak he ruak a vui hna caah kan lungtling khun.

 

Thantlang khuapi cu ralhrang nih mei an duah i inn 19 a kang dih.

 Nizan ah khan Thantlang khuapi cu ralhrang nih mei an duah i inn 19 a kang dih tiah theih asi,lung a fak tuk hringhran.

Mei phalh ah a kalmi Pastor Cung Biak Hum cu ralhrang nih meithal in an kah i a thi tiah theih asi,a thih hnuah a kutdong an tan i a kutdong  hrolh an fir piak tiah theih asi rih.

Mithat ralhrang nih sualnak ngeilo mipi an kan thahmi zat cu AAPP nih cazin an lak i nihin tiangah 1110 an tling cang ti asi,mithimi hna hi atu cazin nakin an tam deuh lai tiah ruah asi.

Karenni Mino Unau Ralhrang Nih An Tlaih Hna.

unau pahnih hi ralhrang ruangah ramlak ah a zammi an si, inn ah tirawl lak dingin an tlun lei ah ralhrang nih an tlaih hna ti asi,fak tukin an hrem hna caah an thih le an nun atu tiang a fiang rih lo.

A tlaitu ralhrang nih an hmanthlak cu online ah an tar i mipi nih hmuh cio asi,10.9.2021 ni ah an kut zungthum an thlir nak hmanthlak nih vawlei pumpi a cul ngaih a chia kho tuk.

 

Ni Hna Nu Farual Kong Ka Ruah Ah Ka Celh Bak Lo.

28.2.2021 ni ah khan Yangon ah sandah an piahnak ah ralhrang nih meithal in an kah i a thi mah a thimi hi a nau deuh asi.

Apa cu zeiruangah dek an tlaih hnik i nihin ah an inn ah ralhrang nih an luh hnawh si ti amah aum lo caah hringtu a Nu hi an tlaih i an kalpi ti asi,mipi an khuaruah a har ngaingai hna zeiruangah dah an tlaih hnik hnga tiah.

 Anmah nu farual lawng a hmuimi an si ngakțah sifak te an si,hi hna nu farual kong ka ruah ah ka celh bak lo ka ngaihchia tuk,28.2.2021 ni ah ralhrang nih meithal in an kah i a thih lai te ah pakhat pa a kut a tlaih ta mi hmanthlak ka hmuh hrimhrim in cun ka ngaih a chia tuk hringhran.

Zeibia dah a chimh ta hnga timi kong ka kuat hi a hmanthlak i a hnuleite khi zoh hmanh thi lawngte a luang,a țang ah an kah i zeiti hmah in nunnak a țha lo a poi tuk hringhran an nu farual tein ka zoh hna ah ka lung a țha hrimhrim lo ka ngaihchia tuk😢😢😢😢