Kachin Ralzam Kong.

Tuni cu. Chun nitlak kan unau a simi. Kachin an temtuarnak vialte youtube ah ka zoh. Ka ngaih a chia tuk hringhran ve. Mah le inn le lo cia ah umngam loin ramtangah. Tihal rawlțam in an temtuarnak vialte ka hmuh tikah. Maw Pathian na thlazungin huppheng ko hna law umpi ko hna tiah thlaza ka cam piak hna.

Minung ciocio zeiko hen.an sual i. hiti lawmmam hin. Kachin kan unau hi an huat hna  le an ral hna hnga  ui le. Ar hmanh nih celh lo tiangin. An thah hna le an nawn hna hnga. tiah keimah le keimah biahalnak kaa tuah. Kawl ralkap nih.tlangcungmi vialte  an kan remlonak.an kan tuah toning duhsah tete in. Tuanbia ka vun zoh hna.

19. Dec 2017 ah. Media pakhat nih. Kachin ralbawi. Gun Maw biaruahnak a tuah lioah. Kawl ralkap nih. Kachin ralkap sakhan an chuh hna. an kah  hna timi bia kan theih hihi a hmaan maw? tiah a hal. Asi a hmaan ko.an kan kahnak hi. A sau ngaicang ati.

A hal nolh țhan. Ziah. Kachin hi. NCA timi kahdaihnak min a thumi nan si cang lo maw? Ati. aw si ko kan thut ko.ati si ahcun. Kahdaihnak min nan thut hnuah atu bantukin an kah lengmang fawn hna tikah.atu.cozah na hmuhning hna hun ka chim law ati.

Kachin ralbawi Gun Maw nih.atu a cozah hi ka soisel hna lo.an thang ka chiat hna lo.sinain. atu bantukin an kan kah lengmang tikah. An thloh hna lo. Tv in siseh. News peper in zeibia hmanh an chim lo tikah.a fiangmi cu. An hnu in.thazaang an pek hna timi kan theih ko ati.

28.Apr 2018 ah. KNU ARMY ralbawi pakhat cu. NCA kong he pehtlai in. Meeting a rak kai i. An meeting a dih hnuah. Media pawlnih biaruahnak an ngeih i. NCA kong he pehtlai in. Zeidah nan ceih zeidah nan tuahmi asi tiah bia an hal i hitihin a leh hna.

Hmaisabik ah. Karen ram kulh chungah. A ummi cu. Karen. Miphun ta asi bantukin. A him khawhnak caah. Karen ralkap. KNU timi nih kutka a congh. Kawl ralkap kha țha tein kan chimh hna.hi tiang lawng nan meithal he nan ra lai.hi leng cu.rat nan duh zong sile. Meithal loin. Rang nan i cit lai i nan ra lai tiah kan ti hna.

Sau deuh aummi nih cun an theih i an ra ngam lo.an rat velo bantukin kan i kap bal velo. Ral a dai.sinain. an i tleng lengmang mithar an si tikah. Mihlun pawlnih. Bia kanmah kong he pehtlai in.zeihmanh an chim bal hna lo.zeihmanh an theih lo tikah. An ra fuan tawn i kan i kap bak ve. Ra hna hlah sehlaw kan i kap lai lo.i kahnak sullam zong um lo ati.

Rampi kahdaihnak NCA hong he pehtlai in. Na hmuhning tiah an hal. A si kho bal lai lo.asi khawh lonak a ruang cu.atu cozah nih. Rampi ral vialte daihter an duh tuk ko.sinain a dai kho hlei lo. NCA hi a nung buin athi min a thu ciami vialte tlangcungmi zoh tuah hna nget u a dai taktak maw?

Nan thei maw? Myanmar cu. Cozah pa hnih aum. Atu cozahnih. Ramchung ral vialte daihter zokzok an duh. Kawl ralkap nih an duh lo.zeitin kan tuah lai. Tlangcungmi vialte nih. Kahdaihnak cu.kan duh dih a duh lo kan um lo.anmah nih an duh lo.zeitin kan tuah lai. Atu cozahnih.nawl an ngei dih taktak lo.an cungin chaak a tlaitu kawl ralkap aum. Cu ruangah zeitihmanh ah ram chung ral cu a dai kho ti lai lo. An kan kah ahcun kan kah ve hna lai cucu asi ko ati.

Hika zawnah. Cozah pahnih aum atimi hi a dik taktak ka pom bak ve. Mipi tampi nih kan hngalh khawh lomi asi. Cucaah atu cozah. NLD party hi. kan mawhchiat hna.anmah nakin nawl a ngeitu taktak le. Uktu taktak cu. Kawl ralkap an si kha kan hngal kho lo.Zeiruangah dah. Kawl ralkap nih. Ram ral daihter hi an duh hnga lo. Tiah an hal țhan ka thei ve lo. Kan theih loin bia an i ruahmi aum lai cu.ati hna.

A zungzal in. Hramhram uknak nawl ngeihnak thlah dawh an si ti lo. 2008 phunghram ah. Ram President cu. Ralkap tangah aum lai. Timi aum. Atu ah. Kawl ralkap nih.100 ah.25 nawl ngeihnak an ngei timi cu.lih hrokhrawl asi a dik lomi asi. Anmah tu nih. 100 ah.75 nawl ngeitu an si. Cucaah. Ramchung ral a thawh lengmang nak asi. Atu Kachin an kah hna caah. Mipi khua ah umngam loin. Hramlakah an zam.ziah Su Kyi nih bia kaa khat hmanh a chim lo. Ziah President nih bia a chim hnga lo kan ti kan zai.ka chim cang bang nawl an ngeih lo cu ta.holhnak nawl an ngei lo.

Thantlang Ah. Bochok Aung San Milem Sernak Kongah.

Thantlang ah. Bochok Aung San milem cozah nih ser timhtuahnak an ngeihmi kongah. Ramlengin siseh.ramchungin siseh.an bia a tam ngaingai.

A hlei ahluat tukin bia achimmi zong an um. Pi Su Kyi a thih in a dong ve dingmi. NLD parti hei ti te hna. Mipi nih thimchommi party hei ti te hna. Aung San le Laimi kan i sengtlai lo. Upat pek a hau lo hei ti te hna.kan duh lo ti asi lo.a caan a si rih lo hei ti te hna in.biasip an pher.

A ngaingai ahcun. Burma tampi minung nih. Upat awk tlak an sile silo cu. Mit a ngei paoh le hna  a ngei paoh nih.hmuh le theih an siko. Mah bantuk minung hna hi. Rampi minung ting tampi lakah.pakhat pahnih te lawng an um.cucaah. mifim ram lianngan hna nihcun. An ram mipi cawnpiaknak le fim chimhnak ah an hman.

Atu lio kawlram pumpi ah khin. Ralkap a do ngamtu a do khotu cu. NLD party lawnglawng asi. Mi cheu nih. 2020 thimnak ah mee kan pe hna lai lo an ti. NLD nih teinak a hmuh lo ahcun. Kawlrampi cu. Ralkap kut a phan țhan ko lai tihi nan theih awk le a fiangmi cu asi. 

Chin miphun kan si caah. Mahle miphun cu țhanh awk asi.mee zong pek awk asi ko. Sinain. Chin party cu. kawl ralkap he a țangțimi. USDP party asi. Nan theih ko khah.2010 lioah. Chin party nih. Chinram ah. Teinak a co i. Chak a tlaitu taktak cu. Ralkap party. USDP asi ko khah. Nolh in chim țhan lengmang a hau ti lo.nan lung fiang ko.

Mipi theih awkah chim ka duhmi cu. Cozah țha nih cun. Mipi. Khua. Ram chiatnak caah. khua a khang bal lo. Mipi lakah hruaitu dirhmun in.rianțuantu na si bal ahcun na theih ko lai.zeitik hmanh ah.na țhithruaimi hna cungah. Țhat lonak.na tuah bal lo.tuah zong naa tim bal fawn lo.siko lo maw?

A ho nih dah. Hruaitu nih. Hruaimi hna cungah. Lungfahnak ngaihchiatnak a tuah bal. Kawl ralkap dah ti lo ah. Minung ruahnak a ngeimi paoh nih. An lung fak seh.an ngaih chia seh tiin.tuah hram ti hram.ti cu.nangmah zong nih na duh lo bantukin an mah zong nih an duh lai lo ti 

cu.fian awk ngai asi.

Ram Le Miphun Dawtnak.

Ram le. Miphun dawtnak timi cu. A hopaoh nih. kan chim kan rel cio ko lai nain. Miphun a daw maw daw lo.timi hngalh khawhnak ah. Hitin vun zoh hmanh usih.

Ram le miphun a dawtu hna i an lungput tuahsernak cu hmur le ka lawngin.chim le rel asi lo.a tuahsernak in.a langhter a.hmaisabik ah.a innchungkhar a dawt. A khua a dawt. A pawngkam minung a dawt. Hihi miphun dawtnak a hramthoknak asi.

Nihin ah. Online chan asi bantukin. A mi kip nih. Miphun kong hi kan chim kan rel. Miphunpi dawtnak kong kan ceih. A hmaan ko ee.chim awk asiko ceih awk asiko. Sinain a ceih lawng ceih i. Thinlung tak asi lomi hmurka lawngin miphun dawtnak zawnruahnak a tam tuk.

A innchungkhar hmanh a daw lomi nihcun.miphun kong hi.kan chim lai ah.voihra i ruahta a hau. A khuami hmanh a daw lomi nihcun. A miphun dawtnak kongah cun aa hlat ngaingai.

Miphunpi dawt kan timi hi. Innchungkhar in aa thok hmasa.cun khua ah.cun. miphun ah asi. Khuami thisenkhat laihritlai amah he aa naih bikmi chiatnak țhatnak aa hrawmmi cung hmanh ah. Dawtnak a ngei khomi nih cun. Miphun dawtnak hi cu.an chim rih lo ah ațha.

Miphun dawt kan timi cu. Mah innchungkhar dawtnak in. Khuami dawtnak in. Khrihfabu dawhnak in aa thokmi asi. Amah he aa naih bikmi a mithmuh rori hmanh a dawt khawh lo ahcun. Miphunpi ka dawt a timi cu. A lih asi.

Sipuaizi Timi Cu. Zeidah Asi.

Sipuaizi Timi Cu Zeidah Asi.?
...................................................
Vawleicung mi vialte nih. Nunnak pawcawmnak caah. A lamkip in sipuaizi tuah le kawl cio asi. Kan tuahningcang belte aa dang cio hna. Mitampi nih. kan fian khawh lomi cu. Chawleh chawhrawlnak kong hi asi. Atu i kan hmuhmi Ar zuatnak hi.na zoh ahcun sipuaizi mit an auter khawh men lai.

Mitampi nih. Kan ruah tawnmi le kan chim tawnmi cu.sipuaizi tuah duh ahcun tangka um a hau i tangka ngeih hmasat locun.sipuaizi tuah khawh asi lo tiah kan ti. Khat lei cun a hman ngaimi a lo nain a hman lomi asi.

Vawleicung mirum. Kan fian khawhnak bikah. Atu Hakha khuapi i mirum kan timi hna khi an sining taktak a theitu nih cun kan theih tuk hna nain a thei lo nih. Mirum cia in tangka ngei cia in. Sipuaizi an tuah. Chaw an dawr zeidang thil tampi an tuah tiah kan ruah hna. An si naisai lo.

Pu Chum Ling biaruahnak an tuahmi ah achimmi cu. Kei hi. Kanu le kapa sifak an si i.kanu le kapa nih. Ro an ka rohmi zeihmanh aum lo.keimah tein.heh tiah tangka ka kawl i.kum 17 nupi ka țhit hlanah. Inn pakhat ka sak khawh ati. Cuticun. Ka cawlcang lengmang i.phakanh kal a laar lioah. Phakanh ah ka kal i cuticun duhsah tete in.hi dirhmun ka phanhnak hi asi ee ati.

Minung hi.a hopaoh an si cio ko lai. Rum hmasat in. Rum chin kha cu. Zakhat ah.pakhat hlei an si lai lo. Nulepa mirum cia an si hmanh ah.sipuaizi mit a ngei lomi cu. Chikhat an rau lo an tla colh ko. Sipuaizi timi cu. An i thok ka cio ah. Fangkhat fanghnih tein an i thok  cio ko. An i thok nakah a tomtom in tangka zalkhat in aa sanhmi an um lai lo ati.

A chimmi chungah. Zeitluk harsatnak a intuar hnu ah. Atu dirhmun a phanh khawh timi cu. Mizapi hmuh asi. Sipuaizi timi cu. Ar pakhat zongin i thok khawh asi. Caw pakhat zongin i thok khawh asi. Naa pakhat zongin i thok khawh asi. Mah le khap cio in i thok asi ko.

Sipuaizi timi cu. Sungh caan aum bantukin miak caan aum ve.na sungh lo si le na miak hrimhrim lai a fiang ko. Sipuaizi timi cu. Nunnak bantuk asi. Lungdongh lo a hau. Lungsau a hau. Teirial a hau.intuar khawh a hau.hawinih.an sang tuk tiin. Mah le mah kha a niam tukah i chiah loin.ka ngei kho veko ka tuah khawh ve te ko lai timi ruahnak tumruhnak ngeih a hau.

Na hawinih.tlakrawh innchungah.an i zelh lio le mawtaw chungah an i zelh lio na hmuh zongah.nikhat khat ahcun miti ngeih khawhnak dirhmun in.atu na tuah liomi na tuan liomi cungah.kam seh in.zuamnak he na tuah na tuan ahcun. Na ngeih caan a phan ve ko lai. Tangka hi.a kawltu ta asi.kan kawl tikah.a kawl lawng si loin a kenkawi zia kan thiam zong a herh. Nikhat ah. Ks 1.000 hmu law a zapi na hloh dih ahcun.a dih cang. 300 in khong law. Kumkhat ah. Ni 366 chungah ni 300 va khong hmanh. Ks 90.000 thong sawm kua asi. Kumhra chung hmanh ah. Ting 10 leng asi.

Atu Malaysia kan thlahlawh in chim ahcun. Thlakhat. Rm 1500 kan hmu. nu he pa he.rianțuanmi paohnih kan hmuh. Thlakhat. Rm 500 in. Khong law. Kumkhat ahcun. Rm 6000 asi. Atu kawlram tangka thlen in tuak ahcun. Ting 20 asi. Kumnga chung khong hmanh. Kawlram. Ks ting 100 asi.hihi sipuaizi timi cu asi ko.

Atu ah. Lailei khuasa zongnih. Kan tuah khawhmi tampi aum ko. Ar pikawng pakhat ah. Ks 14.000 thong hlei li asi. Ar hi zuat khawh tuk asi. Arpi pahra in caw law zua hmanh. Kumkhat ah. Ar zakhat na ngei hrimhrim lai. Ar hi.kumkhat ah. voihnih ati a keuh khomi asi. Ar 90 kha. Thong 10 hmanh in zuar law. Ting 9 ting kua na hmuh lai.

Cu lawng hlah. Vok zuat aa kaih chinchin rih. Vok fa. Pahra in caw law zua hmanh. Vok fa pakhat ah. Thong 50 in chia ko. Na zuat lai i.thla 7 an si ahcun.a hme bik.sumh thum an phan hrimhrim lai. Atu vok sumh thum cu. Hakha ah. Ks 19.0000 ting khat le thong sawm kua asi. Zuar law ting 21.00000 ting kul le ting khat na hmuh lai.a zin ah. Ting 6 zongin chia ko. Thla sarih chungah. Ting 15 hlei nga. a miak na hmuh lai.

Sipuaizi timi cu.a hmete in a tlawmte in an i thok cio ko timi hi.kan theih le kan hngalh a hau. Cuti kan theih kan hngalh hnu cun.atu kan tuah kan țuan liomi cio cungah. Teimak chuahnak kan ngei kho lai. Atu na tuah na țuan liomi kha. Sipuaizi mit in tuah law țuan hmanh. Duhsah tete in na țhangcho ko lai.

Cawn Bik paralțha

🆔  ၾကြမ္ဘိ (ဗိုလ္ဆြန္ပတ္)
●○●○●○●○●○●○●○●○●○●○●○●○●○●○●○

■ ခ်င္း ေတာ္လွန္ေရး ေခါင္းေဆာင္ ၾကြမ္ဘိ (Cawn Bik) သို႔မဟုတ္​ ဆြန္​ပတ္​ (Sonpek)

■ ဗိုလ္ဆြန္ပတ္ အမည္ျဖင့္ လူသိမ်ား

■ တာစြန္း ခ်င္း မ်ိဳးႏြယ္ ​ေခါင္းေဆာင္ ဦးကိပ္ဘိတ္ ႏွင့္ ေဒၚဇတိလ္ တို႔မွ ခ်င္းေတာင္္ ဖလမ္းနယ္ တာစြန္းရြာ၌ ၁၈၃၄ ခုႏွစ္တြင္ ေမြးဖြား

■ အသက္ ၂၂ ႏွစ္ အရြယ္တြင္ ဖခင္၏ တာစြန္း ခ်င္း မ်ိဳးႏြယ္ ​ေခါင္းေဆာင္ အရိုက္အရာကို ဆက္ခံ

■ ဇနီး ေဒၚကိန္းၾကြယ္ ႏွင့္ အျခား ဇနီး တစ္ေယာက္ ရွိ

■ သားသမီး ၆ ဦးရွိ

■ သားသမီးမ်ားတြင္ ဗန္းမြန္း (ဗန္မႈန္း) မွာ အထင္ရွားဆံုး ျဖစ္​

■ ၿဗိတိသ်ွတပ္မ်ားကို ေဟာက္မန္း ဆြန္အြန္ ကိမ္းလန္း စေသာ ခ်င္းတိုင္းရင္းသား ေခါင္းေဆာင္မ်ားႏွင့္ ပူးေပါင္းကာ ခုခံတိုက္ခိုက္ခဲ့

■ ပုဂံ ျမင္းၿခံနယ္မွ ဆုတ္ခြာလာေသာ ေရႊခ်ိဳးျဖဴ မင္းသားႏွင့္လည္း ပူးေပါင္းကာ ခုခံတိုက္ခိုက္ခဲ့

■ ၿဗိတိသ်ွမ်ားသည္ ၾကြမ္ဘိ ကို မဖမ္းႏိုင္ေသာအခါ ၾကြမ္ဘိ ၏ သားျဖစ္သူ ဗန္မြန္း (ဗန္မႈန္း) အား ဖမ္းဆီးခဲ့

■ ဗန္မြန္း သည္ ဖခင္ျဖစ္သူ ၾကြမ္ဘိ အား လြတ္ၿငိမ္းခ်မ္းသာခြင့္ ေပးပါက ခ်င္းတိုင္းရင္းသားမ်ား လက္နက္ခ်မည္ဟု ကတိေပး

■ ဗန္မြန္း ၏ ကတိစကားကို ၿဗိတိသ်ွတို႔က လက္ခံခဲ့သျဖင့္ ၾကြမ္ဘိ ၏ နယ္ခ်ဲ႕ဆန္႔က်င္ေရးမွာ ရပ္စဲသြားခဲ့

■ ၁၉၁၀ ဧၿပီ ၁၁ အသက္ ၇၆ ႏွစ္ အရြယ္တြင္ ကြယ္လြန္

■ ၎အား ဂုဏ္​ျပဳ​ေသာအားျဖင္​့ ရန္​ကုန္​ၿမိဳ ့ ထဲမွ လမ္​းတစ္​လမ္​း၏ အမည္​အား ဗိုလ္​ဆြန္​ပတ္​လမ္​း ဟု မည္​့​ေခၚ​ေလ၏
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄

Kan Philh Kho Lo ee.

“ Nang na kalni kha cu.ka mitthli vanruah bang a rak sur a si nain na cungah kaa lawm thiam thiam. nang na sin in dawtnak, ngaihchiatnak, lunglawmhnak ka theih ii ka co. nang sin ka um lioah hngakchia hrut bang zoh khen  hau si hmahninglaw . a tu cu keimah tein ka ke pahnih vawilei lam in ka kal kho cang.

Na sin ka rak um lioah tiva kam a khomi thingkung bantuk in rak hningno hmanh ninglaw a tu cu tlangcung kuh thingkung bantuk in fek tein ka dir kho cang lawmnak ngeihchiatnak ka ton tikah hnemtu ka rak herh tawn tu cu keimah tein i hnem khawh nak thazaaang ka ngei kho cang . hlanah cun ka mit  nih hmuhnuam ti khun mi na mithmai  le na Ann nem ka theih tawnmi na Annthlum hna cu tu ah cun  mitthli sin in an Liam ai cang mu ,

Na caah ka mitthli a rak tlami kha tu ah cun lungfimnak lam hmuhsaktu an si i.. Nang na rak kal ka kha ka caah chun mui bantuk a rak si khoika ka um hmanh theih loin ka rak um a tu cu na sin ka um lio panhte le nuam tein ka rak um bang tu ahcun keimah lawngin ka dir kho than cang na cungah ka lawm.

 Na rak kalni ka mitthli a rak tlami le ngaihchia tukin ka rak tuarmi kha  Tu ah cun  ka nun fimchimtu le in tuarzia a thiam tertu ah an cang hna i thawngngai le ral tha tein dirkhawhnak nun na ka  chimh a si caah na cungah ka lawm. Nang caah thlacam tu ka Rian ah cang ai.

Aung San Milem. Thantlang Ah Serdingin. Timhtuahnak Kong He Pehtlaiin Tawite Ka Hmuhning.

Thantlang khuapi ah. Aung San milem cozah nih an ser lai timi bia a hunglen bakin. Laimi tampi nih an hmuhning an duhnak tampi anmah fb le group ah. an țialmi ka hmuh.mi cheunih an duhnak an țial.mi cheunih an duhlonak kong an țial ve. Zeidah a chiatnak le a țhatnak a chuahpi lai timi tawitein ka țial ve lai ka hmuhning.

Hlanlio ah. Rampi siangpahrang a țuan hmasabik asi caah. Tangka cuangah a hmanthlak cu.saupi cuanter asi. Mițhalo kutin. A thih hnu saupi tiang Aung San muicuang cu.hman rih asi.hi chan lioah. Burma ram cu.vawleipi nih a upat a țih zah tukmi asi.zeiruangah dah.vawleipi nih an țih zah tiah cun. Hi chan lioah. Burma ram tlukin a țhangchomi aum lo. Amah pakhat thawngin. Vawleicung rampi lakah aa dawhmi ram a țhangchomi asi.cucaah. Aung San nakin a upa deuh pipi ram hruaitu. Siangpahrang hmanhnih upatnak an pek i țih zahnak an ngei.

 Rampi thisen a luantertu le a si a fahtertu ralkap nih uknak an lak sinin a ni a zan in.a țumchuk thluahmah i. Upatnak le ram dawtu zeirel loin. Aung San muicuang tangka vialte an thah dih. Aung San muicuang tangka an thah dih sinin. Ruptep tiah. Burma rampi chung i aummi. Ramdang kampani vialte nih.an zam taak. Chungkhar in. A rak pemmi. Ramdang mi vialte nih.an chuah taak dih. Chunzan in. Inn le lo an lawng dih. Sipuaizi a tla thluahmah sifahnah nih. a hun den.a hun zulh dawi colh. Aung San nih. A sermi Phungphai vialte an hlonh dih. Minung cu chim lo. Uico hmanh aum a nuam tilo.a si a vang. Rampi chungah. Ngakchia țah hram thawng a dai tilo. Meithal nih.mipi nunnak tam tuk a hun laak. Rampi remnak dawtnak. Aung San nih.a sermi vialte zanmang bang an lo dih. Chunzan in. Ram mi minung nih. Zam taak le chuah taak thluahmah a hung si atu tiang asi rih ko.

Kawl le. Tlangcungmi. I rem lonak a chuak colh. Ralkap nih. Tlangcungmi cu. Vate pakhat thih tluk hmanh ah an kan rel lo.duh paoh in. An kan tuah. Kan ngeihmi an duh paoh in an lak an ei an din.an thilphortu ah.an kan hnuh rih.kuli an kan țuanter. Ramchungmi vialte nih. Meihma bang. I celh torhlo ah. Ramtangah kan zam.

Pi Suh Ci nih.a thinlinh aa celh ve tilo i. Vanram tiah kan rak ruahmi. Mirang ram in. A tlun hnawh. Rampi cu. Țah le aihram in a khat. Pi Suh Ci nih. Ka thih le thih tiin. Mipi cu. A pumh hna i. Ralțha taktak in. Ralkap cu.an au hnawh hna. Rampi sifah le ţah aihram thawng cu a dai kho hlei lo. Rampi chungah. Nu hrin covo Mangțam a tlung. Lungdong lo tein a doh peng hna hnu Kumpi kum 30 hnu ceo ah.teinak a co.

A rawk a man ciami kha heh chet tiah an remh an tholh an belh an țhit an ser. Tlangcungmi he remnak daihnak dawtnak lam kawlin khua an khang. Zauk phung kan ser lai an ti. Ralkap nih. Ser kholo in a kham hna. Zalonnak kan hmucang timi pimi nih an hngalh an theih khawhnak ding caah. Zeidah kan tuah lai timi an kawl. Mizakip nih. zunh rahmi. Aung San kha khuapi tampi ah. A lem Ser usilaw ațha lai tiah ceih chahnak an ngei. Hi talnih mipi an thinlung ah. Ralkap uknak in kan luatcang timi thei hna seh law. Uknak aa thlengcang timi fiang tuah hna seh ti khi asi.

Cucaah atu. Thantlang ah. Aung San milem kan ser lai an tinak khi asiko. Biaknak kongah siseh. Miphun kongah siseh. Buainak umti hlah seh.timi kha an langhtermi asiko. Ralkap kan huattuk hna ruangah. Aung San tiang huat kha cu a dik tilo mi asi. Kawlnih an kan huattuk ruangah va huat ve ding timi ruahnak kha cu.ka hmuhning ah. Ruahnak pipuam asi lo ka ti. Kan Lairam caah. A phunphun in. Tangka dih dingin an tuaktanmi hi.a țha tuk ka ti. Pangpar dum tlonlennak dawh taktak in ser hna sehlaw cu cungah cun. Aung San milem pakhat lawng hlah. Pathum talin. Ser hna sehlaw. Mei a zawng phunphun in cerhter in chia hna sehlaw zeitlukin dik tlonlennak ah a nuamh hnga i a țhat hnga ka ti.

A duh lo tu hna nih kan duh lo ti tiang lawng an chim zeiruangah dah kan duh lo. Miti chim ding asi. An tuah ruangah. Khua a rawk lai maw? Mipi caah harnak a petu asi lai maw? Biaknak a hnorsuang lai maw? Zeidah a sualnak aum? Zeidah an duh lo hnawhchanbik asi.?