Salai Tin Maung Oo Tuanbia Tawi
“Nanmah ralkap kuttang hrimhrim ah hin zeitikhmanh ah ka khup kaa bil bal lai lo, ka pumsa cu nan thah khawh ko lai. Asinain, ka miphun le ka ram caah ka lungput le ka ruahnak hna cu zeitikhmanh ah nan that kho bal lai lo,” - Salai Tin Maung Oo

(Thaizing hi Chin paraltha Salai Tin Maung Oo thihcam kum 40 tinnak a si. 26, 06, 1976 - 26, 06, 2016)
Chin paralṭha Salai Tin Maung Oo cu Asho Chin miphun, Pu Mya Din le Pi Hnin Myaing hna fale 8 lakah upa bik si dingin kum 1951 ah Ṭaung Ngu khuapi ah a rak chuak. Salai Tin Maung Oo cu a ngakchiat liote in a nulepa nih an rinhchanhmi a si pinah a naule hrihruaitu fapa fel ngai a rak si. A ngakchiat tein Yagon ah a t'hangmi a si.

Salai Tin Maung Oo hi mi pumruat'ha le muidawh a si lawng si loin, a thluak a tha, a ruahnak a kauh pinah mi biakchawnh le biachim a thiam ngaingai mi a si fawn. Cun Lentecelh zong a thaim ngaingaimi a si. Lente ai celhmi hna lakah Karate le Tilio hi a thiam bik. Tilio hi cu an Sianginn zongah a thiam bik (elite) a si bal. 1965 kum ah tuahmi avoi 5nk Asia Nichuah Thlanglei zaanglek zuamnak ah biatak tein a rak itel vemi pakhat zong a si. A nulepa, a chuahpi a unau a dawt hna tlukin a ram le a miphun zong a dawt. Carel le ca cawn a zuam ngaingai i, cu a relmi le a cawnmi chungah ramkong le uknak kong hna cu a rel/cawn duh khunmi an rak si. Khrihfa chungkhar an si i biaknak lei zongah thazaang a pe taktakmi zong a si.

Salai Tin Maung Oo cu 1969 ah khan a voi 5 nak “South East Asia Peninsula” zaanglek zuamnak ah Kawlram ai-awh in a rak i tel. 1972 ah taanghra a awng. 1974 ah Yangon University ah Zoology major in kumkhatnak a rak cawn lio ah ramkhel rian ah a rak cawlcangh ruangah 5, 12, 1972 ah ralkap nih an tlaih i, Insein thonginn ah an rak thlak. Kum khat chung thongah an thlak i thonginn in a chuah ni 3, 1, 1974 hi Constitution of Burma Socialist Programme Party an thanh ni a si. Thawng a chuah hnu in a rak cawnmi Zoology cu a kum thumnak in a peh ṭhan. Hi Zoology a kum thumnak a rak cawn lio ah Chin Literature and Culture Committee, Yangon nih Secretary ah an rak ṭhim. Nihin tiangah Chinmi nih kan uar ngai i kan miphun min kemh dingah kan hmanmi, “Salai’’ le “Mai” cu Chin paralṭha Salai Tin Maung Oo nih CLCC Secretary a rak ṭuan lio ah a rak chuahpi mi a si.

6, 7, 1974 The Socialist Constitution’s Article 9 nak ruangah buainak a chuahpi mi, (General Workers’ Strike) A-lohtama Ta-paih ah Salai Tin Maung Oo, a hawipa Ko Aung Htoo le a sianginn kaipi hawikom ṭhenkhat pawl, University Campus ah a rak ummi siangngakchia pawl le Insein lamthlurpi pawngah a ummi Garment sehzung, Biscuit sehzung, Oah Gyin sehzung tbt.. le a cozah sehzung vialte ah rianṭuantu pawl hna cu an rak hruai hna i SC. Article 9 nak doh in rianṭuantu (Labour) vialte covo (right) an rak hmuh khawhnak dingah lamzawh in Newin a cozah sinah ralṭha ngaiin an duhlonak an rak langhter.

1974 kum ah, United Nation (UN) General Secretary a rak t'uan balmi Kawlram miphun a simi U Thant cu USA, New York khua ah a nunnak a rak liam. A thih hlan a biacahtak bantuk tein a ruak cu Kawlram ah an rak tlunpi. U Thant cu Kawlram mipi lawng siloin vawileicung dihlak nih upatmi a si bantuk in a ruak zong sunglawi tein vui an rak duh. Asinain Kawl ralkap nih U Thant ruak cu an rak pe duh hna lo. U Thant ruak Kawl ralkap sinin an lak khawhnak dingah le t'ha tein an vui khawhnak ding caah Sailai Tin Maung Oo le a hawile nih Yangon University chungah biatak tein an rak cawlcaang. U Thant ruakvuinak kongkau duhlonak an rak langter lai ah ralṭhabik in a rak cawlcaang ngammi, siangnakchia hruaitu (student leader) a rak si. Cu buainak ruangah Ne Win nih a ralkap pawl cu Salai Tin Maung Oo tlaih dingin a fial hna ruangah ramtang ah caan tlawmpal a rak i thup. 1975 March thla ah Thailand ramri ah ram buainak ruangah a zammi, ram dawttu ṭhenkhat pawl sinah a thlite in a va lut i, ramchung ah a um i a cawlcangmi siangngakchia pawl nih thazaang an chuah khawhnak dingah lungrualnak (unity) a va tuahpi hna. Cu hnu ah, siangngakchia pawl cawlcanghnak fehter deuh dingin kawlram chungah a kir ṭhan. June 6, 1975 ah a chuakmi (Second General Workers’ Strike) a voi 2 nak A-luk-ta-ma Ta-paih ah ralṭha ngaiin a va telpi ṭhan hna. Cu lio ah kawl ralkap nih tlaih ding min cazin an chuahmi (Wanted Lists) ah Salai Tin Maung Oo cu a tel ve ruangah 1975 July thla ah Thailand ramri ah a voi hnihnak a rak zam ṭhan.

Thailand ramri a um lio ah ram buainak ruangah a zammi siangngakchia tlawngta pawl he “The Underground Student Union” an dirh i Salai Tin Maung Oo cu an hruaitu (president) ah an rak thim. The Underground Student Union nih aa timh bikmi cu ralkap cozah doh kha a rak si. Salai Tin Maung Oo le a hawile ṭhenkhat pawl hna cu ramchung ah tlaih dingin kawlmi (wanted) an si. Tlaih an timhmi cu a theih ko nain a nunnak pek ngamin ramchung ah a ummi siangngakchia pawl sinah ralkap uknak dohṭi dingin 1975 November ah an kir ṭhan.

Salai Tin Maung Oo cu Thakhin Kodaw Hmaing Centenary tuahnak ah timhtuahnak an ngeih lio, 22, 3, 1976 (Hmaing Centenary nikhat hlan) ah Pu Ne Win ralkap nih an rak tlaih. Thla 3 chung thong an thlak hnu 26, 6, 1976 zingka sml. 4:00 ah hri in an thlai i a rak thi. Hrithlai thih daan hi cu hlan ah a rak um bal lomi a si. Cu lawng si loin, Kawlram i hruainak phunglam zongah a tel bak lomi a si fawn. tiah a rak ti hna i thihnak tu a rak i ham. An thah lai ni June 25, 1976 ah a Pa he caan tawite an rak tonter hna.. A nu le pa nih an thah lai hi an rak thei lo nain Salai nih cun an ka thah lai ti a rak theih ko nain a nu le pa hi zeihmanh a rak chim hna lo. Minung fa a si vemi thih lai aa theihmi pakhat nih zeitluk in dah a nu le pa a hmuh hna ah a rak tuar ve hnga ti hi cu ruah ah lung nih celh hrim lo.
Ref; The Chinland Post & Chinland Today

KAA LAWNG,KAA LAWNG,KAA LAWNG
Thuanbia  pakhat ah hitihin an rak tial balmi a um. Mi pakhat cu vancung ah a kai i vanram ahcun “Ka lawngte ” a hung hmuh hna i a khuaruahhar tuk ti asi.A khuaruahhar tuk ruangah vanram i mi pakhat cu bia ahal i: hitihin a leh. vawlei an nun lioah, an kaa lawngin an ka biak i cu ruangah an kaa lawng vanram a phan e tiah a leh.Kaa lawng vanram phanh cu si kho lo mi asi. nain,hi nihhin chim duhmi thuanbia  a ngei,.Kaa lawngin Pathian biak kaa lawngin tangthat ka lawngin Bawipa Bawipa tiah au chung muru taktak in biak lo  pehtlaihnak  ngei lo  timi langhter duhnak asi.

1. Kaa lawng in piangthar
 Tuchan zumtu pawl nunnak zoh tikah kaa lawngin Pathian zumh,kaa lawngin piangthar hmuh ding a tam,Nun taktak in Jesuh zumtu, nunnak  taktak in, nun i thlen  hmuh ding a tlawm tuk.Kaa lawngin pangthar hmuh ding a tam.

2. Kaa lawngin Pathian duh
Tuchan zumtu pawl nunnak ah mah tawkin Pathian bia duh in chim ceih cio asi. nain,nunnak taktak ah Pathian duhnak langhter taktaktu hmuh ding an tlawm tuk.Pathian duh taktak, si loin nun phen in Pathian duh tu, kaa lawngin Pathian tiah mizapi hmaiah au tu an .a tam.

3. Kaa lawngin Pathian riantuan
Pathian riantuantu pawl zong kaa lawng biachim, nun taktak in chim lo,pulpit cungah  kaa lawng nih biachimnak nih. hmunhma tamtuk a rolh a khat,.Nun taktak in Pathian tahhnawh taktak,Pathian i hruhpi taktak le thlacamnak in thawn taktak,Pathian caah pumpek taktak hmuh ding a tlawm  tuk.

* Tuchan ah Bawipa nih hmuh a duhmi cu: nun taktak in piangthar, nun taktak in Pathian duh,nun taktak in Pathian riantuan hi a si!!!

Nupi ankaa :
1. Fale zoh hi keimah tuanvo lawng a si dih lo ti hi na ka theih piakding ah ka duh,
2. Inn rian le fale zoh siseh) na ka theihpi i na ka lawmh dingah ka duh,
3. Thil ngan siseh thil hmete si seh ka ruahnak na ka hal ve zingah ka duh.
4. Kanmah Nupa lawngin um le hawikomh ka duh,
5. Thilsual ka tuah caan ah theihthiamnak he ka hnem tawn law ka duh.
6. “Na tuah kho” tiin thazaang ka pek theo tawn law ka duh.
7. Um sawhsawh caan zongah  ka kut ka tlai peng law ti ka duh.
8. Kaa dawh ah dawhlo ah naa dawh tuk tiin kafak peng tawn law ti ka duh.
9. Ei le din kantuahpiakmi hi. thaw lo hmanh seh law athaw tuk tiin a chuan na thiam tuk tiin kati tawn law ka duh,
10. Keimah theihlo ( tel lo ) in thil ka cawkpiak tawn law ka duh,
11. Inn rian ka tuan caan ah, kan bawmhkhawhmi aum maw tiah ka hal tawn law ka duh.
12. “ Kan dawt tuk kati lengmang law ka duh.

Laimi Fahnak A Kan Petu Zu.
======================
Efesa 5:18 Zu ri hlah u, zu cu nanmah hrawktu lawnglawng a si ko, Thlarau tu khan khat deuh u. 19Hla dawh in pakhat le pakhat i chawn u; Bawipa cu hla le aw dawh in nan lung taktak in thangṭhat u. * 20Kan Bawipa Jesuh Khrih min in zeizong kip caah Pathian cu lawm u.
Laimi fahnak a kan petu Zu.
Zu hi Judah mi pawlnih hawikomhnak le nuamhnak lunglawmhnak rualremnak ah an hmannak zawnte aum ve.Laimi zong hi hlanlio pipu chan ahcun Zu hi hawikomhnak le nuamhnak khat le khat i dawtnak caah an hmannak zawn aum ve. sinain Judah mi nih si seh Laimi kan pupa hna nih siseh. an fale Zu ding dingin siseh Zu ri dingah si seh an fial hna timi kan hmu thei bal lo.
Baibal nih Zu din athat lo nak tampi a kancawnpiak azoh hmanh va zoh hlah tiin a kancawnpiak cun Zu cu mi ahruhter amolhter biachim mi fiangfai kho lo lakin mi amolhter Zu ah hin ritnak alcohol timi aa tel cu alcohal nihcun thahri le thluak ah rian atuan tikah minung molh lakin phundangpi in atuah. khua tha tein hmu kho lo tiangin mi atuah to kho khuaruahkhawh lonak tiangin mi atei kho lung asau lo thin atawiter Bialo pipi chim khawhnak thazaang thawng a ngei.Lam kal hmanh ah ding tein mi a kalter lo.
Zu a ri lengmangmi cu mi nih zeiah an rel hna lo. an nautat hna i mitha cazin ah anchia hna lo. rinhcanhtlak ah mi an ruat lo.Phungthluk ah Zu ading tukmi cu zeitikhmanh ah a rum lai lo ati.Laitlang ah siseh Hmunzakip ah siseh Zu rit buin athimi zeizat remruamdah kan si.Zu din ruangah le Zu rit ruangah zeitlukin dah innchungkhar buainak a chuahter Zeitlukin khua le ram khrihfabu a buaiter. ti cu theih cio asi.Zu rit ruangah mithat lainawngmi le hriamhma a pumi thong atlami. Mi he a buai i aa hliammi pazeisat dah an si ti cu zapi theih asi.
Zu a ri lengmangmi nih zeitikhmanh ah thlarau leiah nupa dirhmun an phan kho bal lo i khua le ram miphun ca zongah hruaitu tha an chuak kho bal lo.Caantawite chung hlawhtling bantukin an um hmanh ah caansau an nguh hrimhrim lo i caansau an hlawh atling lo. Pathian thluachuah kan hmuh chunte Zu dinnak ah kan hman lengmang mi cu thluachuah sunghnak asi. Duhsaknak nganpi he..kaa lawm
Laimi Fahnak Petu Pahnihnak
Levitikas 19:11 “Nan fir lai lo; hlennak in thil nan ti fawn lai lo, pakhat le pakhat lih nan i chim fawn lai lo. *
Salm 78:36 Sihmanhsehlaw an bia cu lih lawngte a si i an chimmi paoh cu hlennak lawngte a si.

Ziah lih chim cu fahnak petu asi tiah kan ti khawh ! Lih chim timi cu a hmaan mi dirpi ngamlo le dirpi duhlo khi a si. asilo mi kha asi. asi mi kha asi lo tiin thlen le chim kha asi. Lih chim cu tukforh pakhat asi i voikhat lih chim ahcun a hnuah chim than ahar ti lo. Nitin nunzia ah acangcih Lih chim a hmangmi khi hohmanh nih an Upat an tihzah kho hna lo. A zualchinmi cu mi nih an Upat lo lawng silo in anmah le anmah hmanh an i Upat kho lo ti asi.
Baibal chungah lih achim i a buaimi an tampi.Abaraham nih Faro siangpahrang ral tih ah. a nupi Sarah cu ka nupi asi lo kafar asi ati i ahlen ruangah a nupi cu Siangpahrang nih a lakpiak i a thin a hung an buai ngaingai. Lih achim tamtukmi cu anmah lila hmanh nih an zumh ve caan aum ti asi. Innchungkhar nubik le pabik nih lih an chim tamtuk ahcun anfa le pawl zong fahnak nganpi bantukin an chawnh ve hna ti asi.
Tuchan Laimi pawl tuanbia cu. lih chim lawngte in a khat ko ti asi.Lih in aa thawk ahcun a pehpeh in lih chim lengmang hau in a um. Hi nih hin thinlung fahnak le thlarau lei fahnak nganpi a chuahter. Lungfim tein le ralring tein tlonlennak tiang mi adon kham. a hleice in thinlung le nunzia za thanchonak ah tampi mi a dawn. hi fah damnak in kan luatkhawhnakhnga caah lungthin thiangte in le biatak thlakin Bawipa sinah thlacam le ngaihthiam hal kan herh.
Pathian he fekte in i pehtlaih dingin kan i zuam cio ahau. Culawngah Pathian hmaika ah a dammi kan si than lai i thinlung le thlarau ah thazaang kan ngei kho than lai.
Laimi Fahnak Petu. Lawmhpi Duh Lo Nak.
Rom 12:10 Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u. 11Fak piin rian ṭuan u, nan thathu hlah u. Bawipa cu nan lungthin taktak tein a rian ṭuan u. 12Nan i ruahchanmi thawng khan nan tha nuam ko u; harnak nan in tikah lungsau thinfual in um u law thla cam zungzal u.
Baibal kan zoh tikah midang thlawhtlinnak lawmhpi duh loin a thin tu a hungmi tampi kan hmuh ve hna. Samuel cauk ahcun cubantuk lungput kha thlarau chia silo le Fahnak tiin a chim.Saul Siangpahrang a bawi lioah David nih Filitin mi a tuk hna i ateinak kongah Israel nu pawlnih Saul nih athawngthawng in athah hna i David nih a sangsang in tiah an hla an phuah ruangah Saul a lung fak i David cu thah a timh.
Mi hlawhtlinnak lunglawmhpi khawh hi thil harsa tuk a rak si ko rua cuti in mi lunglawmhpi khawh lo nak thinlung nihcun miphun thanchonak le rem daihnak caah don khantu fahnak chia a rak si.khrihfa nun muichiattertu asi.
Laimi hi ca kantial ngai hna i kan lungput a langchin lengmang kankhua kantlang a silo mi nu pa nih lairam caah thatnak thiltha a tuah e timi kan theih tikah lunglawmhpi ding cu a har kan ti tuk. anih nih mawtaw tharte a cawk e timi silo le innthar a cawk e timi theih sin cun zaan ah it kho loin si a vang.Mangchia a man mi um dawh kan si.
Khrihfa lungput cu cuticun asi awk asi lo. pakhat le pakhat i lunglawmhpi ding asi. thazaang i peknak nih pumpak cio i thazaang a umter athawnter culawng hmanh si loin kan um nak hmunhma tiang a dawhter a thanchoter midang sinak na lunglawmhpi khawh asi ahcun nangmah zong an in lawmhpi ve lai cucu kaphnih thluachuah conak lam a si

Pangpar Chiahnak Chungah Lyly Pangpar Rang Dawh Te
=========================================
Aluan cia kumhrabu pathum lio thitumnak puai thil sining pakhat.thitumnak a tuah dinghi Aung San thattu, Kawl tuanbia ah chiakha ngai in a tangmi USaw le Daw Than Khin hna fanu Daw Baby Saw i a fanu pahnihnak Daw Mon Mon Yena si. Daw Mon Mon Yen thitumpuai ah lyly par lawng nan hmanlai tiah a pi Daw Than Khin nih robia a rak chiah tak hna.Rangon khuachung lyly pangpar rang te cu an kawl. Adonghnak ah bochoh Aung San nupi Daw Khin Kyi a dum chungah a um ti a si. Cucu tuanbiachimtlak chungkhar pahnih an iton a si. Pangpar an rak tawh ni ah pangpar totu pawl cu Daw Khin Kyi nih a ho dah va a ngeilai tiah a hal hna. U Saw le DawThan Khin tunu tiah an leh tikah Aw..Daw Than Khin cu atu lepawl he an si cang, keimah nakin a van a tha deuh tiah a ti hna. USaw nupi Daw Than Khin zong aum ti lo, a fanu Baby Saw zong athi ve cang.Kumcan hna an liambantuk in U Saw chungkhar hnazong tuanbia tihnak chungin zalennak lei an panh ziahmah ve.Lainawng chungkhar tiah mithinlung in an tlau ziahmah ve cang.“U Saw a tufa le an si” timi sianginn khan chung aw thawngnih thin nuam loin a ka chiah ton tiah Daw Mon Mon Yen nih a ti caah a fanu cu sianginn a thialter. Ngakchia lungnuamh loin chiah cu a tha lo, sianginn chungah a pu min hmuh a si leng-mang tikah a tih tuk.Lungnuam loin a umding ka sia a herh caah sianginn kaa thial ter hi a si tiah Daw Mon Mon Yen nihcun a ti. Ka ngak-chiat lioah ka nu nih a ka chimhton mi cu “kan nih cu sualnak angeimi kan si, midang nih napu kong an chim ahcun nan leh hrimhna lai lo a ka ti” tiah Daw Mon Mon Yen nih a chim.Daw Mon Yen te cu USaw a rak umnak pawng ah an um.

An innchung mileng khan ah U Saw le Daw Than Khin hmanthlak an tar. Tuanbia ah lainawng pakhat a rak si bantuk in hri an thlai hlan ca a tialmi vialte a chungkhar nih tha tein anchiah rih ko. Cu ca chungah U Saw cu a thih hlanah a tuahser-nak raltha tein a tuarngam ko ti ah a tufa le nih an ti.U Saw cu a tufa le caah mi raltha pakhat a si lo nain ram a dawtu pakhat cu a si ko tiah ancohlan. A thih hlan a catial zohtikah chikhat thinhunnak in achuakmi lainawnnak a si an ti.Ramdawtu pakhat a sinak cu acatial mi ah a lang tiah a tufapawl nih an ti. Kan pu nih rampicung a sualnak cu a tufa nih nihintiang kan pek chanh rih ko an ti.Zapi hmuhnak ah an sual-nak an philh lo timi kan theih hnaseh tiin kan nung ko. Ka nu le kapa chan ahcun mipi he ikawmh le riantuan`i an hlawh atling lo. Kapu a rak ngeih cia innhmun zuar in an nung ko. Kanu va a ngeih in ka pa zong cozah riantuan chungkhar in kan um.U Saw chungkhar nih kanrak hmanmi caan hi a rak nuamtuk lem lo tiah Daw Mon MonYen nihcun a ti. Tucu mipi he kan i cawh ngam ngai cang, kafa upa bik Min Khah zong lemcang rian a tuannak kum 10 a si cang.Kafa upa bik nih lemcang ka tuanlai a rak ti lio ah ka au ning hi innpa tiang an rak lau dih. Kanchungkhar midang hmaichuahngam loin kan um lioah nang lemcang ka tuan lai ti cu kati i, ka khuarauhnak zong a rak dong tiah Daw Mon Yen nih achim. Apa nih a duh mi cu tuan ko seh a ka ti i a tukum 10 chung a kal cang a ti.Lemcang a tuan chungah U Saw tupa a si ti a theihtu cheukhat athei lotu cheukhat. Nain a pu ruangah zei harnak a tong lem lo a ti.U Saw chungkhar an kanchonh ning hi keimah chan in aathleng ngai. Aayanineh a naihcun biachimnak, sianginn ah cawlcanghnak tete a um ton i,kafa le zong sianginn ka kai terngam hna lo a ti. Cucaah anhawi le nih an theih tikah inn ahan rak hnemh ton hna, an hawile an rat ah hin ka lung aa lawmngai ton.
Siangngakchia pawlnihcun nanmah he pehtlaihnak aum tung lo, thaizing cu rak kaicanguh tiah kafa nu thazang anrak pek ton. Mawlamiang in Rangon No. 2 siangchawng ah an i thial i, upa deuh pawl nih U Saw tu le an si tiin an rak zoh mi hna dah ti lo zei harnak an tonglo a ti. Kuanhma 13 he a thimi Aung San te chung le lainawng lutlai U Saw te chung kar zongah kum tampi chung tonnak arak um bal lo nain ihuatnak a umlo zia Daw Khin Kyi a cinmi lyly pangpar an va tawh ni zongah lunglawm tein Daw Khin Kyi a ra cohlan ko hna.U Saw te chung kan ilawmhnak bik pakhat cu Daw Khin Kyi a bia pakhat a si. Cucu Kawlram zalennak a hmuh hnuin lainawnnak kongah fah-man hal dingin Daw Kyin Kyi ruahnak an rak pek. Daw Khin Kyi nih a timi cu huham angeimi nuhmei ka si ko. DawThan Khin sinin zeihmanh lak ka duh lo a rak ti. Kan nu nih hibia hi rak philh hrim hlah uh ankanti tiah Daw Mon Mon Yennih a ti.Lyly pangpar rangte nihkan chunghnih kar dawtnak hri afeh zia a langter cang a ti. Bo-choh Aung San fanu Daw AungSan Su Kyi hi a lengah hmuhnak can ka ngei bal lo, hmuhnak canngeih ninglaw hmuh ka duh tuk ko. A taktak ah tonnak can vaum sehlaw ka tongngam lai lo tiah Daw Mon Mon Yen nih a ti.Kei tham cu inn ah a thu sawhmi ka si, Daw Su cu vawlei pinih theih mi a si. Tahchun awk kan tha lo. Chungkhar kong ah ton ka duh nain ka tong ngam lo a ti.Ka nu le chan ah sisehlaw phundang. Daw Su cu ka upat tuk. Chim awk um lo tiangin kan i thlau a ti. Daw Mon Mon Yen le U Saw tufa kongah sualnak ngei bantuk in tutiang an um hi ka lung a tha hrim lo tiah Daw Su bia a um cang.
Chungkhar kong lawngah a si lo, U Saw cung zongahzei thinhunnak ka ngei lo. U Saw ruangah ka pa a thi tihi ka ruat bal lo. Ramkhel ahcun hihi a umton mi a si tiah Daw Su nih a ti.Ataktak ahcun ramdaw veve ansi ko.
U Saw tunu Daw Mon MonYen
Mah nih tuah lomi ah hitin intuar cu ka lung a tha lo. Ngakchia pawl zei sualnak an ngei tung lo. An pu zongnih upadi bantuk in a in dihve ko cang. Atangmi caah zei sual-nak hmanh a um ti lo. Hi ngakchia hna hi dai tein umter ka duh hna.Anmah le anmah zong sualnak angeimi ah i ruat hrim hna hlah seh.
Daw Aung San Suu Kyi
Septembar 21.2011 chuahmi 7 days Journal ah tial ciami chungin
By Salai TThang Ltc
March 13.2016