Laiholh (Halkha) in Lehmi
PINLUNG BIACHAHNAK (5) LE
PINLUNG HNATLAKNAK SACHUK (9)
ပင်လုံမူ (၅) ချက် နှင့် ပင်လုံစာချုပ် (၉)ချက်
=================================
#Fianternak...
⭕Pinlung Sachuk hnatlaknak hi phung (9) aum. Cu catlap cung ahcun Feb 12, 1947 ah lethmat thut a si.
⭕ Pinlung Biachahnak (5) aum. Feb 8-9 meeting an tuah i, lungtlinnak le biachahnak (5) an ngeih hnu lawngah Pinlung Hnatlaknak Sachuk ah Lethmat an tthu. Mah biachahnak hi Pinlung Sachuk nakding caah a hrampi asi. Cucu Pinlung Muu. ပင်လုံမူ ti asi.
⭕ Chin Miphun kan politic (ramkhel) i, a muru le a hrampi asi caah mah kong hi kan theih a herh tuk.
▪PINLUNG MEETING BIACHAHNAK (5)
(ပင်လုံအခြေခံသဘောတူချက် မူ (၅) ချက်)
Feb 8-9, 1947
---------------------------------------------------------------------
(1) Kawl le Tlangcungmi karlak ah i tlukrualnak, tinvo hmuhnak le Nawlngeihnak ah Democracy phungning tein kan i khat lai.
(2) Acozah Council (EC) ah chungtel asimi Shan le Kachin Kuzale hna nih an mah an ram le an miphun caah tuanvo lak in riantuannak nawl an ngei lai.
(3) Mitkyina le Bhamo district cu Kachin Hill he fonh in Kachin Ramkulh (Kachin State) serpiak ding asi lai.
(4)Kawl le British cozah nih an tuahmi Aungsan-Atlee hnatlaknak sachuk cu Shan le Kachin he pehtlaihnak a um lai lo.
(5)Zalonnak (Independence) kan hmuh hnu ah Kawlram (Burmar Union) in chuah kan duh ahcun zeitik poh ah chuahnak nawl kan ngei lai.
▪PINLUNG HNATLAKNAK SACHUK (9)
(ပင်လုံသဘောတူစာချုပ် အချက် (၉ချက်)
Feb 12, 1947
----------------------------------------------------------------------
(1)Tlangcung miphun le ram kong he pehtlai in tawlreltu caah an mah Tlangcungmi Phu nih an mah chungin kuzale pakhat an thim lai i, mangkibawi nih Tlangcungmi Ruahnak Petu (Consellor) tiah a fehter lai i Cozah EC chungtel asi lai.
(2)Ruahnak Petu (Consellor) cu Mangkibawi i Executive Council (Governor’s Executive Council) ah Vuanci Ministry a ngei lomi Vuanci (Minister) pakhat a si lai. Defence (Kakuaizi) le Ramdang kong (Foreign Affair) cu upadi suai i, Cozah Executive Council (EC) nawlngeihnak tangah a um lai. Tlangcungmi kong he pehtlaihin Ruahnak Petu Vuanci sinah uknak le nawlngeihnak cu pek a si lai.
(3) Ruahnak Petu Vuanci a bawmtu caah amah miphun asi lomi Tlangcungmi chung in aiawhtu minung 2 an um lai. Vuanci a Bawmtu pahnih hna nih anmah miphun le ram kong an tawlrel lai i, adang miphun le ram kong ahcun Ruahnak Petu Vuanci nih a tawlrel dih lai. An pathum tein phunglam upadi ningin rianṭuan ṭinak an ngei lai.
(4)Cozah Executive Council (EC) meeting ah tlangcungmi aiawh in a ṭhu khomi Kuzale cu Ruahnak Petu Vuanci lawng a si ko nain, tlangcungmi kong he pehtlaiin ceihhmai ding a um ahcun Ruahnak Petu i a bawmtu pahnih hna zong meeting ah an i tel kho ve lai.
(5) A cunglei hnatlaknak bantuk in Cozah Executive Council (Governor’s Executive Council) cu chapchin i karhter a si lai. Sihmanhsehlaw Tlangcungmi uknak kongah siseh, Tlangcungmi nih atu an hmuhmi Mahte i uknak a rawhnak ding in hnursuannak cu zei bantuk kong ruang hmanh ah hi Council nih hin a tuan lai lo. Tlangcungmi hna nih mahte i uknak le Nawlngeihnak cu phungningin an hmuh dingah kan hna a tla.
(6) Union of Burma chungah Kachin State cu ramri serpiak i, amah pumpak State dirh dingin Hlutdaw (Constituent Assembly) nih biachahnak a tuah lai. Sihmanhsehlaw Kachin State ser ding cu hnatlak cia asi ko caah, hi thil a tlin khawhnak dingah Burma Act 1935 (2) phunghram ningin Myitkyina le Bhamo district he pehtlaiin Ruahnak Petu Vuanci le a bawmtu pahnih hna he biaceih khuakhannak an ngei lai.
(7)Tlangcungmi hna nih Democracy ramdang hna nih an hmuhmi Tinvo/Covo le nawl
Zalonnak hna cu an hmu ve hrimhrim lai.
(8) Hi hnatlaknak kan tuahmi Sachuk nihhin Shan ram (Federated Shan state) nih an mah nawlngeihnak tein an hman cuahmah mi Ngunkhuai Tangka kong ah zeihmanh hnuarsuannak a pe lai lo.
(9) Hi hnatlaknak sachuk nih Burma rampi Ngunkhuai chungin Kachin ram le Chin ram hna nih an hmuh dingmi covo bawmhnak cu hnahnawhnak a pe lai lo. Shan ram (Federated Shan Stated) le Burma rampi nih tangka tawlrelnak ah an i pehtlai bantukin, tlangcungmi dang he i pehtlaihnak ding caah Cozah EC, Tlangcungmi Vuanci le a bawmtu pahnih hna zohfelnak le tuanvo an lak lai.
▪AUNGSAN NIH A KAA IN BIAKAMNAK ATUAH MI
-------------------------------------------------------------------
(1) Kawl nih fangkhat kan hmuh ahcun Tlangcungmi zong nih fangkhat nan hmuh ve lai.
(2) Kawl he kum 10 khuasa t'i uhlaw nan duh loahcun ram in nan chuak khawh. (Mah bia hi 1947 Phunghrampi ah an tial chih)
▪Pinlung hnatlaknak Sachuk cu Miphun huap in sermi siloin ramri huap in tuahmi asi.
#NOTE Laiholh lehnak ah a tling lomi le a chambau mi cu keimah santlaihlo asi ko. Laimi nih kan holh tein kan rel khawh nak hnga saduhthah bia asi.
#Panglong agreement in Laiholh
Catial tu : Jacob R Thang